اقتباس:
المشاركة الأصلية كتبت بواسطة mo0on1
السلام عليكم
انا عندى استفسار بخصوص المدينة الجامعية فى عين شمس
هى ليها شروط محددة
وايه الاوراق المطلوبة منى وانا رايحة أقدم للمدينه
انا سمعت انه لازم 20 صورة والبطاقة الشخصه أصل وصورة وصورة بطاقة ولى الامر
وصورة بطاقة الضامن فهل الكلام دا صح ولا ايه
والمدينة الجامعية للبنات فى الكلية ولا ايه
أصل فى حد قالى ان البنات بعيدة لكن الولاد فى الكلية فهل الكلام دا صح
وياريت اى حد عنده معلومات عن المدينة يفيدنااااااااااااا ضرورى |
ليها شروط انك لازم تكونى بعيده على الاقل ساعه ونص عن القاهرة
كده كده انتى لما هتروحى تسحبى الورق لازم تروحى بيه بلدك عشان هيحتاج الورق ختم من المصالح الحكوميه
والورق بيكون مكتوب فيه الشروط والحاجات اللى مطلوبه منك
بالنسبه للدمغات بتكون مكتوبه برضو او بتشتريها من قدام المدينه
بالنسبه للصور انا مش فاكرة كويس بس اعتقد انهم اخدوا مننا 8 صور بس لازم تسالى برضو وانتى بتسحبى الورق
ايوه لازم واحد يضمنك غير ولى امرك ولازم صورته وتوقيعه عشان كده بقولك لازم هترجعى بالورق بيتك وبعدين تسلميه فى يوم تانى
دى اوحش حاجه ان مدينه الولاد جنب الكليه بالظبط يعنى بيعدوا سكه العربيات يلاقوا نفسهم فى الكليه
لكن البنات لازم ياخدوا مواصلات
المواصلات متوفره طبعاااا متخافيش
وفى الاخر عايزة اقولك ان الملف ب100 جنيه للمستجدات