اقتباس:
المشاركة الأصلية كتبت بواسطة eng.hagar
السلام عليكم ورحمة الله وبركاته
بداية احب اقولك يا باشمهندس ميدو ان طالما حضرتك عندك موهبة ربنا رزقك بيها خااصة دون ناس كتير فلازم انت تستغلها
كمان حضرتك لسه مابانتش حاجة السنة دى من حيث درجات القبول فى الجامعات والكليات وكدة
وكمان يا استاذ ميدو فى قسم فى كلية علوم اسمه علوم حاسب على ما اظن ودى حضرتك تقدر تدخلها وتثبت نفسك فيها وتبقى معيد كمان وتدرس فى كلية حاسبات زى الدكاترة فى حاسبات تقريبا .
وكمان حضرتك تعبت وصعب ان بعد تعبك ده كله يروح هدر واكيد ربنا مخبيلك خير كبير جدااا والله فى مكان تانى زى حاسبات ده اذا لا قدر الله حضرتك مالحقتهاش .
بالنسبة ان الثانوية بقت حفظ وغش للاسف نسبة كبيرة جدا كدة
يعنى تلاقى بعض الناس مش فاهمه كيمياء ومقفلين درجاتها ومالهومش فيها اصلا ويقولولك هم عايزين كدةواحدة حفيظ وبس .
من حيث الغش حدث ولا حرج لكن ثق طالما حضرتك ماشى مظبوط ومش بتاخد قرش حرام نتيجة الغش فى الامتحانات ان ربنا هيوسع فى رزقك جدااا وهترتاح فى عيشتك بأذن الله لان اللى بيغش عامل زى اللى بيسرق وبيشترى اكله من فلوس السرقة وعلطول عند الدكتور .
انا والله ابن خالى المانى و عايش فى المانى وخلص ثانوى عادى جدا ولا رهبة الثانوى ولا البعبع ده ودخل صيدلة وخالى بيقولى ان مصاريف تعليم الجامعة غالية جدا لدرجة ان الطالب ممكن يشتغل فى الجامعة عادى جدا نظرا لانفصال الشاب عن اهله بعد فترة الدراسة لانه بيستقل بنفسه شوية .
عايزه اقولك على حاجة تانية انا اختى اتخرجت من حاسبات ومعلومات رغم ان نتيجتها فى الثانوى تدخلها اى هندسة عايزاها بالرغم من ده كله كملت حاسبات ولما اتخرجت اشتغلت فى مكان تانى خالص مختلف عن مجال دراستها .
وهى دى العيشة الواحد بيظبط لنفسه خطوات ممكن فجاة يلاقى نفسه غير مسار حياته وبيطلع فى الاخر للاحسن بأذن الله
وكمان يا استاذ ميدو اسأل بردو على الجامعات الخاصة وهم على فكرة بيعملوا خصومات لاصحاب المجاميع اللى زيك وكدة
لانكدة حضرتك على ما اعتقد عديت الحد الادنى بتاعهم وبيعلموا خصم من مصاريف الجامعة
ربنا يهديك ويصلح حالك ويبعد عنك اى شر وتدخل بأذن الله يا باش مهندس حاسبات او اى كلية انت عايزها
آآآمين |
عندك حق والله انا فعلا بفكر فى علوم و هكتبها ان شاء الله بس يارب تجيلى .. حتى لو اقاليم او هبدا افكر فى الخاص بس تكون حاجة معقوله و فعلا بلدنا اللى يجيب مجموع لازم يدخل اعلى كلية و خلاص واعرف ناس كتير كده .. الناس بتقول ان ده حقد والله ابدا الواحد بيتقى الله فى الكلمة اللى بيقولها عشان ربنا يكرمه و بدعى للناس اللى جابت اعلى انهم يبفعوا البلد و الدين يارب و يكونوا اخير وااحسن منى .. انا هتوكل على الله و اللى فيه الخير ربنا هيرشدنى ليه يارب