[Mohamed.Helmy]

هههههههههههه

مواقفك جميلة اوي يا حبيبة و الله

بس برضي اهو عرفتي تفكري طالما مش هتروحي اهو اى حاجة تونسه ولو كانت صورة ^^

--------------

هقولكم موقف و موقف بس الاتنين ليهم علاقة ببعض ..

و انا فى كي جي تو تقريبا .. كنت فى حضانة مدرسة
و كان اخويا فى المدرسة دي و كان في سنة خامسة ابتدائي ( المدرسة كانت حضانة و ابتدائي بس )
و اختي كانت فى 2 اعدادي تقريبا بس فى مدرسة تانية
فلما كان ييجي وقت المرواح كان بييجي اخويا ياخدنى من الحضانة و يروحني و لو كان غايب كانت أختي تيجي و تاخدني معاها
و في مرة لقيت انا ايه العيال اللي معايا بيوتهم جنب المدرسة على طول
فلقيت الميس سابت ولد كده يروح لوحده علشان بيته جنب المدرسة (( ده غلط طبعا انها تسيبه ))
و انا لقيت كده عملت فيها الواد الفتك ^^
و قولت للميس انا بعرف اروح لوحدي ..
قالتلي لا استني لما اخوك او اختك ييجوا
قولتلها لا انا بعرف
فروحت بقى خرجت من المدرسة .. مشيت شوية و ابص يمين شمال .. الاقي شوارع غريبة

و معرفتش أعمل ايه ..


أكملكم ولا زهقتوا


خلاص هكمل

المهم ايه فى الوقت ده .. اختى جت تاخدني من الحضانة لقيتني مش موجود روحت قالت لبابا ..
بابا راح المدرسة و خربلهم الدنيا و انتوا متسيبين و هوديكوا فى داهية و كده ..

بس الحمد لله خرجوا يدورا عليا لقيوني في شارع قريب من المدرسة .. و المشكلة ان انا مش بعيط مثلا
لا بقولهم ايه .. انا كنت مروح دلوقتي

فبس أخدني بابا و مروحتش الحضانة دي تاني روحت حضانة تانية
و في الحضانة التانية (( موقف 2 ))

كانت ماما وكيلة فى مدرسة .. و كانت بتوديني الحضانة و المفروض تروح شغلها
هي كانت تجيبني و انا مش عاوزها تمشي .. يمين شمال هجيبلك بسكوت و كده لا ماتمشيش ..
يابني اتأخرت .. لا برضه ماتمشيش و كانوا يلاعبوني على المرجيحة علشان اتلهي فيها علشان ماما تروح شغلها

بس كانت ايام فظيعة و الله ^^

نعبر عنها بكلمة واحدة ( براءة )


-----------------

نفس السؤال ؟