كلنا نفسنا المليونية دي تيجي
بس الاختلاف احنا عايزنها امتي
مثال بسيـــط
في يوم كنت نايم في شقتك المكونة من خمس غرف ، صحيت الصبح لقيت 4 غرف فيهم ناس مش تعرفهم ، دخلوها غصب ومانعينك تدخلها ، قاومت وربنا كرمك وقدرت ترجع واحدة ، هل هتقول كفاية كده ؟
هل هتبطل مقاومة ؟
احنا معملناش اي حاجة غير اننا غيرنا معني الحرية ، شيلنا رئيس سابق ، لسه طلبات كتير ، لسه أحلام كتير ومش هتتحقق غير بالاعتصام
التغييرات الوزارية محصلتش إلا بضغط شديد جدا
والمحاكمات ماشية بقانون جنائي بطئ - مع الاعتذار لمحامي الناس دول - لو كنت محاميهم سهل اجبلهم براءة لإن القانون ده فيه ثغرات لإنه مش قانون مناسب للإبادة الجماعية والفساد السياسي
ده قانون للأفراد
أنا مش مع حد ولا ضد حد أنا مصري وليا طلباتي
متنفذتش - بكل أدب واحترام من حقي اسأل ليه
مفيش سبب مقنع - عفوا لقد نفذ رصيدكم
المكان محتاج واحد غيرك أنشط
هطبق مقولة قلتها بعد تنحي مبارك
إن لم تكن تملك القدرة علي قطع ضعف المسافة في نصف الزمن فلا تحاول أن تحل محل عداء في المركز الثالث ويريد أن يفوز بالسباق
إهداء : لأي مسئول مصري قادم
عمر حسني