[MOSTAFA093]

سسسسلام عليكم احبائنا الطيبين فى بوابتنا الحبيبة

أنا هدخل فى الموضوع على طول
لأن الموضوع ده مضايقنى جداً حبيت أعرضه عليكم وأشوف رأيكم فيه
أنا ملاحظ فى الفترة دى إن كل واحد يجيى يكتب توقعات أو حد فاضل ينقل خبر من جريدة أو أى مصدر لا يذكر إلا ثلاث أو أربع كليات
هما : الطب والهندسة والصيدلة وأحياناً حاسبات ومعلومات
طيب وباقى الكليات راحت فيين ؟
هى كليات الأدبى من تجارة وأداب وحقوق وغيره .... ملهاش فايدة مثلاً
طيب هى الناس مش مهتمة بيها وعايزينا ندخل طب عشان دفعتنا تبقى كلها دكاترة ، مين هيطلع مدرس مثلاً عشان يعلم الأجيال القادمة اللى هتطلع برضو دكاترة
مين هيطلع محامى عشان يدافع عن القضايا
الواد بتاع الأدبى دخل كده عشان دى قدراته وعشان ده مستواه وكمان بيحب مجالات ودراسة الكليات الأدبية ( ولا ده عيب )
وكمان هو مكنش بيلعب طول السنة ، ومكنش منفض كمان
ده برضو تعب واجتهد ومن حقه إنه ينجح فى الأخر ويحقق حلمه
إيه رأيكم فى الموضوع ده
فيه حد متفق مع رأيى ؟
عايز أسمع رأيكم
تحياتى
MOSTAFA