[طالب الابداع والتميز]

المشاركة الأصلية كتبت بواسطة abdelRhman772007

#على ما أتذكر الأعداد الصحيحة و النسبية و الحقيقية فيهم الاتجاه السالب للأعداد هتمثل السوالب ازاى و ده اللى أقصده

والله عشان نثبت إن -1 * س = س * -1 دى عايز قعدة عشان احنا عايزين معطيات ..

ولو فكرنا فيها شوية ممكن نعتبرها مسلمة برضه .. هتقولى ازى

لما نقول س*0 = 0 ، س*1 =س ، س * 2 = س + س وهكذا

يبقى بديهى إن س * -1 = - س ، س * -2 = -2س .. أكننا بنبص فى مراية

المهم الموضوع ده مش تبعنا .. ده يرجع للمعطيات والأوليات اللى حددها بتوع الرياضة ..

وأرجع تانى وأقول إن بدالية الضرب ليست بديهية ..

#ابدالية الضرب مسلمة زى ابدالية الجمع ( تقدر تثبت إبدالية الجمع هههههههه )
فى حين لا يتبدل الطرح أو القسمة و ده مسلمات إن صح القول بنتلقنها فى ابتدائى

إبدالية الجمع بديهية .. إبدالية الضرب ليست بديهية

إبدالية الجمع بديهية .. وأعيد عليك المثال تانى لو انت معاك مثلا 10 جنيه وصاحبك معاه 20 جنيه سواء انت اديت لصاحبك ال 10 جنيه او هو اداك ال 20 جنيه المحصلة ثابته وهى 30 جنيه .. هنا الأمر بديهى

لكن اذا كان عندنا 3 أكياس فى كل كيس مثلا 10 تفاحات وكان عندنا 10 أكياس فى كل كيس3 تفاحات هل ممكن تقول ان كون عدد التفاح فى ال3 أكياس = عدد التفاح فى ال10 أكياس ده شئ بديهى .. مستحيل أن يكون هذا بديهيا وإنما بحاجة لبرهان ..


# ربنا يوفقك يا جميل فى أى مجال

الله يخليك .. انت أجمل .. وشكرا على المناظرة الجميلة الممتعة .. بس برضه إبدالية الضرب مش مسلمة