[كاريمان]

المشاركة الأصلية كتبت بواسطة mohamed zidan91

بصوا يا شبااااب ويا بنات يا دكاترة
((( أختى الصغيرة الرخمة بتحب تقول لى يا دكتور على مرتين ..مرة دوك والباقى ...))

المهم
اللى محتاجينه كالتاتى::
1.الإستمارة البيضاء الدالة على النجاح((تقريبا ورقة الترشيح ولا بيان النجاح ولا الإستمارة اللى خدناها من المدرسة الله أعلم يعنى))
2.عدد 6 صور شخصية
3.شهادة الميلاد الأصلية أو مستخرج رسمى منها
4.نموذج 2 جند للطلاب الذكور فقط ودى بتبقى من مكتب البريد
5.شهادة التفوق الرياضى ((للطلاب الحاصلين على حوافز رياضية فقط))

ودلوقتى بما إننا بقينا دكاترة
طبعا دكاترة السنان أهلا وسهلا بيهم

عايزين كل واحد يجاوب على السؤالين دولة

1.أنت دخلت طب ليه..؟؟
2.وناوى تعمل إيه لما تكون دكتور كبير..؟؟

--------------------
بالنسبة لى
1.أنا دخلت الطب لأنى بحب الأحياااااااء جدا وبحب أتابع أى برنامج عن الأحياء عامة مش الإنسان بس حتى
ولأنى قريت قصة فى بريد الجمعة قبل كده وكانت بتحكى على دكاترة قساة القلوب كانوا السبب فى إن بنت تدهور حالتها وتتنقل من محافظة تانية غير القاهرة إلى القاهرة عشان ببساطة الفلوس والروتينيات وطول الطريق كانت حالتها فى تدهور
فأنى أجزمت على نفسى إنى أكون رفيق بالضعفاء ..أسعى بكل جهدى أن أنال إبتسامة رضا وإطمئنان منهم تليها دعوة مستجابة إن شاء الله

2.أنا ناوى أعمل إيه لما أكون دكتور كبير إن شاء الله (((طبعا بالتخطيط مش بالأمانى والتهيؤات فقط إن شاء الله))
هأعمل مركز طبى وأخلى القسم المتميز فيه قسم جراحة قلب وأجعل يوم أو يومين للفقراء من منطقتى خاصة والفقراء عامة


وأنتوا...؟؟؟

على فكرة أنا أسمى محمد أحمد ...إنما محمد زيدان بيكون الأسم الحركى فى المنتديات

تحياتى لافكارك ونواياك

.أنت دخلت طب ليه..؟؟
لاسباب تشبه اسبابك ..ولانى عنيت شخصيا من اهمال الدكاترة ..
كنت بكرهم ..بعدين حولت كرهى ليهم لتحدى عشان اقدر اعمل اللى هما كانوا المفروض يعملوة
2.وناوى تعمل إيه لما تكون دكتور كبير..؟؟
ناويه اتخصص قلب او اورام ...لانهم خطيرين وفى ناس كتير مريضه وميش قادرة على العلاج

وفكرت فى فكرة تشبه اقتراحك ..ومادام انت اللى اقترحت الاول ..يبقى خلى ليا مكان فى مركزك اوك