[الاستاذ شفيق عجاج]

المشاركة الأصلية كتبت بواسطة hany himada

طبعا انتم فاكرنى بهزّر بس لعلمكم بقى انا بتكلم جد
تعالوا كدا نحسبها هاتلاقوا كلامى صح
انا معلم اول تربية رياضية مؤهل عالى ومع ان قرار التعيين بيقول ان انا معلم اعدادى الا اننى من تاريخ تعيينى
سنة 97 وانا مدرس ابتدائى وما ادراك ما مدرس الابتدائى
يعنى طبعا لازم انا اللى اشغل الطابور الصبح وطبعا عشان انا مدرس تربية رياضية يبقى لازم حصصى تكون فى الاخر
يعنى بالبلدى كدا زى ما بيقولوا بفتحها وبقفلها
وبالنسبة للكادر المزعوم بيعمل معايا 125% ودا طبعا على اساسى العام السابق حط عليهم 25% الحوافز العادية يبقى اجمالى الحافز 150%
وطبقا للفاكس المزعوم اللى ظهر فى قنا حسب تأكيد بعض زملائنا الافاضل فى المنتدى يبقى الادارى هياخد 200% على اساسى العام الحالى .
طيب وليه بقى !!!!!!!!!!!!!!!
طب ما انا احول ادارى واصحى من النوم براحتى واروح الشغل الساعة 9 وامشى الساعة 12 وماليش دعوة بمشاكل العيال وقرفها وفى الاخر هاخد 200% حوافز
جالكم كلامى يبقى بذمتكم مش انا عندى حق لما اطلب انى احول لادارى .

ملحوظة
مع فائق احترامى لاخوانا الاداريين واقرارى بالظلم الذى وقع عليهم من قبل عندما لم يتم ضمهم للكادر وحقهم فى
ان يحصلوا على مرتب ادمى يكفل لهم حياة كريمة ويصل بهم الى حد الكفاف الذى ننشده جميعا .

المشاركة الأصلية كتبت بواسطة alaa128

انا معك
لكن انا قررت انى لن اعمل الا حصتين فقط باليوم الدراسى ودى علشان التلطلاب فقط
وباقى اليوم على البوفيه اشرب شايم وانام ساعتين
وخلى الادارى والعامل يشتغلوا

المشاركة الأصلية كتبت بواسطة محمدسعيدابوالعينين

وانا كمان معلم اول تربية رياضية ابتدائي وعايز احول اداري ياريت حد يشوفلنا طريقة كدا ولا كدا

ونعم التفكير
هذا هو تفكير مربى الاجيال
ممكن سؤال
هل انت تعمل خوفا من ناس بعينها ام خوفا من الله
اين الصمير اخى الغالى وكيف تطلب بحق وانت اصلا لا تعطى حق الدولة عليك
انت مظلوم من شيء لم يتحقق حتى الان فهل يوجد مانع ان يستمر الظلم عام اخر ينصلح فيه حال البلد لكى اخد حقك
انا تعيين 84 ومستعد يستمر الظلم عام واثنين كمان حتى نصلح حال البلد وحقى سوف يصل لى بدون ادنى مجهود طالما اعمل بامانه لكى نصلح حال البلد التى نعيس فيها ولن تعرف فضلها الا لما تخرج منها وتذهب الى بلده اخرى والله العظيم كنت اريد تقبيل ترابها وانا نازل من الطائرة وكان هذا فى العهد البائد الان ابوس ترابها مليون مرة