[*moon*]

((بسم الله الرحمن الرحيم))
أتمنى ان كلكو تكونوا بخير
بصراحة ده أول موضوع ليا ف قسم النقاش الهادف
وأتمنى انه يعجبكم
نخش ف الموضوع على طول
طبعا كلنا عارفين ان اول يوم فى شهر رمضان الكريم بكره ان شاء الله
كل سنة وانتو طيبين
رمضان اللى كلنا بنستناه من السنة للسنة
وانتو كمان عارفين ان الأطفال بيحبوا الزينة وفوانيس رمضان اد ايه
حبيت احكيلكو على موقف حصل مع اخواتى الصغيرين
وأذهلتنى فيه طريقة تعامل الأقباط معانا
الموقف كالتالى
.......................
الأطفال ف العمارة بتاعتنا والعمارات اللى جنبنا
اتفقوا يلموا فلوس عشان يشتروا زينة يزينوا بيها العمارات كلها
وقسموا نفسهم مجموعات يلفوا على كل شقة عشان يلموا الفلوس ((2جنيه من كل شقة تقريبا))
يعنى عشان يجيبوا زينة كتير
الغريب ف الموضوع انهم خبطوا على شقة واحد مسيحى جارنا
وبيقولوله عمو لو سمحت عاوزين فلوس عشان نجيب زينة رمضااان!!!
طبعا احنا مش هنلوم عليهم عشان أطفال مش فاهمين
الأغرب بقى والمثير للدهشة
ان الراجل اداهم فلوووس عشان يجيبوا الزينة
برغم ان فى ناس مسلمين ومش دفعوا حااجة
الموقف ده فعلا صدمنى وزعلت اوى
اللى انا عاوزة اقوله ان فى فرق فى طريقة التعامل
والراجل ده عمل كده عشان يكسب حب الاطفال
ليه احنا بقى مش نبقى كده؟؟!
وف الآخر
رمضااان كريم