موضوع جميل
تسلمى للموضوع الجميل
انا عن نفسى هحكى عن موقف
ونا فى تالته ثانوى
هوا ونا من ابتدائى
موضوع الغش ده منتهى معايا
و لو على رقبتى
انا ليا اخ توأم
ربنا كرمه و دخل طب عين شمس ونا صيدله جنبه
المهم
فى امتحان الاحياء
كنا 3 بس فى اللجنه
انا و اخويا و واحد تالت
فالمراقبين كانو عايزين يخلصونا
عشان يقومو يروحو
المهم انا خلصت الامتحان
وانا قايم
الراجل بيقول لاحمد اخويا(اخوك خلص لو عايزه بساعدك فى حاجه )
فعلا ساعتها احمد كان واقف ادامه سؤال
هوا اللى مخليه مش عارف يخلص الامتحان
و مش عارف يعمل ايه
و شاكك فى تفكيره
فاحمد بصلى كده
اكنه بيقولى فعلا فى حاجه واقفه ادامى
طبعا حاجه صعبه اخويا و توأمى و ثانويه عامه
المهم لاقيت نفسى بقول للمراقب
لا هوا ان شاء الله هيعرف يحل لوحده و يخلص هوا مذاكر
و خرجت من اللجنه
استنيت احمد بره
قلتله ايه السؤال اللى كان واقف ادامك
قالى عليه
طبعا هوا كان شاكك فى اجابته
ونا متأكد ان اجابتى اللى صح
قالى انا عملت فيها كذا كذا
قلتله لا انت غلط يا احمد
كنت المفروض تحلها كذا كذا
و طبعا هوا اقتنع بكلامى
لانه شاكك فى اجابته اساسا
قلتله متزعلش بقى ان شاء الله خير
المهم روحنا بقى
اتصلنا بالمستر سألناه
قالنا ان اجابة احمد اللى صح
و فهمنا ازاى
يعنى لو انا كنت غششته
كنت غششته غلط
و طبعا كان هيكتب اجابتى
لانه شاكك فى اجابته
و كنا هنبقى احنا الاتنين حلينا السؤال غلط
لكن الحمد لله ربنا كرمنى فى اخويا
و بقيت فرحان جدا
و نسيت انى غلطت فى السؤال اساسا
و من ساعتها و موضوع الغش عندى ده بقى زى السيف
لدرجه ان ونا فى الكليه
واحد كان جايب واحد تانى يحل مكانه تزوير بقى و بتاع
بس انا فضحته فى وسط اللجنه
قمت قلت للدكتوره
ان ده مش هوا اللى بيمتحن معانا فى الامتحانات اللى فاتت
و ده جاى يحل مكانه
طبعا كانت مشكله كبيره
و كانو هيضربونى
خصوصا انى كنت متغرب السنه اللى فاتت فى بنى سويف قبل ما احول عين شمس السنه دى
يعنى كنت لوحدى
و كان ممكن يحصل فيا اى حاجه
بس ربنا ستر و عدت السنه على خير
