اقتباس:
المشاركة الأصلية كتبت بواسطة tuck ever lasting
شكرااااااااااااااااااااااااااااااااااااااااااااااا ااااااااااااااااااااااااااا
|
الشكر لله ، شكراً على المرور
اقتباس:
المشاركة الأصلية كتبت بواسطة the spider mido
والله موضوع جميل جدا
ربنا يبارك لmostafa093
|
شكراً للمرور يا ميدو ، وربنا يوفقك
نورت الموضوع
اقتباس:
المشاركة الأصلية كتبت بواسطة ضى الفجر
ليه يا مصطفى دى هى عايزة تحول من حاسبات عين شمس لهندسة
المطرية وهى جايبة درجتها يعنى تقريبا ينفع
وهى اللى عايزة موضوع الاغتراب دة يعنى حتى لو كانت كاتبة
فى الرغبات هندسة المطرية قبل الحاسبات اللى هى كتبتها
كانت جتلها وهى بعيدة عن موقعها الجغرافى وهو بياخد
القربب لو مش جبتوا ياخد البعيد ذا كان اقاليم او كدة
معلش قولى على الموضوع دة علشان انا كمان عايزة اعرف
يعنى علشان فى ناس كتيييير بـتسأل على الموضوع دة
معلش مرة تانية لو انا اديت معلومة غلط بس انا كنت
تقريبااا شبة متأكد 
|
أفهمك على حاجة يا ضى
بالنسبة للتحويل ، مش لازم يكون كاتبها فى الرغبات أثناء التنسيق
ممكن يحول لأى كلية أياً كانت بس المهم حاجتين
1- يكون جايب مجموعها
2- يكون هيحول للمنطقة ( أ ) فقط من التوزيع الجغرافى ، أو على الأقل يحول لأقرب مكان تكون جايبة مجموع الكلية المحول لها
يعنى مثلاً أنا من سوهاج ، وجاتلى القاهرة ، أقدر أحول لسوهاج أو أسيوط مثلاً لأنها الأقرب بعد سوهاج لو كانت سوهاج مش قابلانى
لكن مينفعش تكون سوهاج قابلانى واروح القاهرة لأن ده تحويل من ( أ ) إلى ( ب ، ج )
وده كلام موقع التنسيق
--------------
الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط.
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستعابية للكليات وترتيب الطالب بين الطلاب الراغبين للتحويل والطاقات الاستعابية للكليات فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.
تمام ، أرجو أن يكون الموضوع واضح ، عشان بس محدش يتعب فى موضوع التحويل ده
وعادى ولا يهمك ياضى لو كنتى مش فاهمة حاجة معينة ، بس كمان ممكن تكونى على صواب وأنا الخاطئ
لو كان كلامى هو المقصود فى السؤال ، قوليلى عشان أعرف 
اقتباس:
المشاركة الأصلية كتبت بواسطة ahmed-alaa
شكرا علي المعلومات القيمة
|
الشكر لله ، شكراً على مرورك
اقتباس:
المشاركة الأصلية كتبت بواسطة سما سمير
و سمحت عاوزين نعرف الفرق بين علوم و غلوم رياضة
|
اقتباس:
المشاركة الأصلية كتبت بواسطة rawda shokry
ايوه يا ضى ادينى امل فى الحياه و النبى انا مدمره خالص
|
مفيش تدمير ولا حاجة بس إنتى على مهلك وإن شاء الله اللى نفسك فيه ربنا يرزقهولك
ربنا يكرمك إن شاء الله