[اخو الكل]

بندور


بندور عالحياه
بندور عالناس
بندور عالبيوت

بندور على مكان صوت العود
والطفل اللي لسه مولود
والامل اللي معاه احلى الورود

بندور فجيوبنا عن شئ من الماضي
بندور فبيت كان مليان وبقى فاضي
بندور للظلم على انسان مهنته قاضي
بندور ونصرخ وصوتنا مسموع فوادي

بندور ومش لاقيين
بنحب ومش عايزين
بنتوه ومش حاسين

بنبص جوانا عالروح والامان عالشوق والحنان

بنعيش على الماضي
بنموت على الفاضي
بنصرخ ده شئ عادي

بنشوف اللي عايش جوانا ومش لاقيينه
بنحس نبض قلوبنا ومش حاسينه

بنتوه ولا الناس
معدومين الاحساس
بنحب عالكراس

بنحب ونكره ازاي مش عارفين
الاشواق بتتبدل كلها فظرف يومين
والعمر بيجري واحنا مش حاسين
واحنا بنختفي فدوامه السنين

بنفتكر ايام
الشوق والحنان
والحب بتاع زمان







بنحلم بيوم نمشي وراسنا مرفوعه
نخرج نتكلم وتكون اصواتنا مسموعه
بنحلم والحلم شئ مش مستحيل
والامل اللي ممكن نوصفه بالجميل

مستنيين اليوم
ننام ونقوم
تختفي منا الهموم

ولغايه اليوم ده هنفضل ندور
ونتجمع كلنا وفصوره واحده نتصور