[تغريد الطيور]

المشاركة الأصلية كتبت بواسطة نقاء الروح

كدا يانور؟
تقلبي عليا مواجع يومين من التعب
المحلات حالياً مافيهاش حاجة تتلبس زي ماقلتي
تبصي عالبلوزة لو معقولة ومناسبة فوسعها الكم قصير او ممكن مافيش كم اساساً
لقتي كم طويل تلاقيها مش مناسبة فالوسع !
يمكن الحاجة العدلة الوحيدة الجيبات واسعة علطول
البنطلونات ماخدش بالي بصراحة ،
والمشكلة كمان ان اللبس الواسع والكويس للناس الكبار
مش لبنات من سننا

تعرفي انا واناماشية ورجلي اتكسرت من اللف
كنت عمالة اقول هما امتى هيحترمونا ؟!
لأني بحس انهم باللبس ال بينزلوه دا مش بيحترموا ان فيه
ناس مش بتلبس كدا !
بس ارجع واقول نستاهل لاننا لو ماحدش فينا شرا اللبس دا
ماكنش حد نزله وانتشر بالطريقة دي
يعني انا دخلت محل فالواقفة فيه عمالة تقولي عاوزة ايه اساعدك
فبقولها عاوزة بلوزة كمها طويل او حتى تلت تربع كدا مش الكم كلو رايح
فراحت باصة كدا وبتقول : هو فيه حد دلوقتي بيلبس بكم !
اعملي زيي شلت الكم كلو ( كانت لابسة كب )
يلا ربنا يهدي

وفالنهاية اشكرك عالموضوع الجميل
بس احب اطمنك اني لقيت طقم للعيد الحمدلله

وكل سنة وانتِ طيبة

و انتِ طيبة يا حبيبتى

ههههههههههههه يا بختكـ انا مالاقتش غير جيبة و شكلى هالبسها من غير بلوزة

يعنى المشكلة دى مش مشكلتى انا بس الحمد لله ..

و زى ما قلتى الجاحات اللى كمها طويل دى بتبقى بتاعة الكبار اما بقى حاجات البنات اللى زينا تلاقيها كب زى ماقلتى او كات او ممكن حمالات

بجد دى مشكلة فعلاً .. دا انا العيد اللى فات ماشترتش لبس بسبب الموضوع دا قعدنا انا و ماما لفينا كل شوية لغاية ما زهقنا و رجعنا و عيدت بلبس قديمـ

ربنا يهديهمـ ..

نورتِ يا نقاء بجد