اقتباس:
المشاركة الأصلية كتبت بواسطة ملاك حسنى
شكرااااااااااااااااااااااااااااااااااااا انا اصلا مش عايزه تجارة انجلش بس بابا بيقولى ان مستقبلها مضمون
|
ملاك بصي
مع كل احترامي لبابا ورأيه
ادخلي اللي انتي عايزاه ومرتاحاله
عشان ده انتي هتفضلي لازقة فيه 4 سنين
يعني لما تكوني بتدرسي حاجة انتي حاباها
هتقدري تجيبي تقديرات عالية فيها
لكن لما تدرسي حاجة انتي مش حاباها
حتي لو جيبتي تقديرات عالية فيها
هتبقي محتاجة ضعف المجهود
عشان ده يتحقق وبعدين الشغل
ماهو هيبقي في نفس المجال
يعني احتمال ماتحبيش الشغل كمان
فبلاش تحطي نفسك في الموقف ده
وبعدين مش كل الناس بتشتغل بشهادتها
وكمان اداب مش وحشة خالص
نصيحة ليكي يا جميلة
اقعدي مع بابا وفهميه وجهة نظرك
بالراحة وبهدوء من غير عصبية
انا عارفة انها صعبة بس حاولي
والحقي بقي قبل مايفوت الوقت
ربنا يوفقك حبيبتي
وينولك اللي فيه الخير