اقتباس:
المشاركة الأصلية كتبت بواسطة احلام لقاء
كل سنة وانتوا طيبين يا كل بنات ألســن
ممكن طلب بسيط
كنت عايزة آنسة سرانتى تحكيلنا شوية عن المدينة ونظامها
يعنى موقعها فين بالظبط ؟؟
حلوة ولا زى مدن جامعة القاهرة؟؟
وكل كليات جامعة عين شمس مدنهم فى نفس المكان ولا كل كلية ليها مدينة فى مكان مختلف؟؟
كده يعنى...........
ويا رييت يا آنسة سرانتى تعرفينا على اى بنت صحبتك ساكنة عشان تعرفنا اكتر على النظام هناك 
وميرسى جداً على live mocha عجبنى جداً |
وانتى طيبه يارب
بصى يا ستى
اولا المدن كتيرة لجامعه عين شمس
يعنى مش مدينه واحده بس
بس طالما انتم مستجدات يبقى هتكونوا مع بعض
المدينه عباره عن مبانى كتير او عمارات عاديه
يعنى المبانى فيها اوض بس كل اوضه فيها عدد معين من الطالبات
لكن العماره عباره عن شقق كل شقه فيها اوضه ومطبخ وكده
انتى لما بتروحى بتقدمى فى المدينه بتدفعى حاجه اسمها تامين مش عارفه اتلغى ولا لا
وبتدفعى 50 جنيه كل شهر
الاكل طبعا بيكون متوفر فى المدينه بمواعيد محدده للفطار والعشا والغدا
لما بتحبى انك تروحى بيتك لازم تعملى حاجه اسمها تصريح قبلها بيومين عشان المدينه تعمل حسابها
وكل يوم فى حاجه اسمها تمام عشان يتاكدوا انك موجوده فى المدينه وده غالبا بيكون الساعه 7 او 8
انتى اللى عليكى انتى واصحابك فى الاوضه التنضيف
امممممممممم بالنسبه للمذاكرة بيبقى فيه اوضه مذاكرة عشان تذاكرى فيها او بتنزلى الجنينه عشان تذاكرى
مش عارفه انا اعتقد كده قلت حاجات مهمه مش فاكرة حاجه تانى
لو عايزة اى سؤال تانى مفيش مشكله
والعفو يا سكر على ايه
المهم انه عجبك