طالما الطب والصيدله والاسنان والكليات دى حلمك يبقي هتشتغل باقصى حاجه عندك ولو اشتغلتى جامد وجبت مثلا السنه الجايه 100% و1% مستوى يعنى 101% تجيب 98.4 يعنى 404 بالمستوى انشاء الله بس لازم كمان نحط في اعتبارنا ان الوصول لمجموع زى ده مش سهل لكن مش مستحيل وكلمه مش سهل مش الغرض منها انى اخوفك لا والهى لكن الغرض منها ان تخططى وترتبى وتحددى انتى هتعملى ايه وايه الصح وتنظمى نفسك تشوفى افضل طرق المذاكرة في جميع المواد الى عندك وايه افضل الكتب الخارجيه ودقق في كل حاجه متسبيش حاجه الا لما تفهميها وده لما تبتدي دروس انشاء الله هنلاقي صعوبات كتيرة بلاش ياس خالص مش عاوزين ياس ونحاول مرة 2 3و10 واللهى هنوصل بس نطول بالنا عاوزين ثقه في ربنا اوووووووو ى انه مش هيضيع تعبنا خالص يعنى مثلا : لو حد قالك انك لما تدخلى الامتحان هيكون في واحد معاكى يحل كل اسالتك لانك تعبتى السنادى هتعملى ايه
طبعا هتكونى فرحان اوى اوى اوى ان في حد معاكى يمليكى وهتطمنى ان في حد انتى معتمده عليه امال بقي ربنا............ عارفه يعنى ربنا اما تعتمد عليه
اكيد انت لما هتتعبى هتلاقى ............ كمان لازم تكون دقيقة وواضحه مع نفسك بمعنى تراجعى اخطائك السنه الى فاتت تشوف 12 درجه دول نزلوا في ايه وايه السبب ايه العيوب الى عندك وتحاولى انك تتجاوزيها وتلاقي ليها حل عشان متقابلكيش مشاكل السنادى واسالى الى اكبر منك يفيدوكى
وانت بتذاكرى بقي هيجي الشيطان وياسك شويه ويقولك دانتى جبتى 94 % هتعملى ايه وتكملى ايه بقي دا مجموع ده دا كل الناس جايبه اعلى منك دا المجاميع عاليه السنادى تعملى ايه بقي .............تروح جايب الجزمه وضاربه بيها هههههههههههههههههه وقله امشى من هنا ياض ماليش دعوه بحد انا هنجح وهحقق الى مش هيعرف يحققه الى جايب 99% السنادى
وربنا يا رب يوفقك ويوفقنا جميعا للخير ومتخافيش حالص واتمسكى بحلمك
ونصيحتى
الاحياء: مذاكرة من كتاب المدرسه + حل كتاب خارجى الامتحان + دليل التقويم + اصعب كتاب وهو كتاب النفيس
الفيزياء : نفس الكلام مذاكرة من كتاب المدرسه + حل كتاب خارجى الامتحان + دليل التقويم + اصعب كتاب وهو الوسام مساله صعبه جدا بس ده ف الاخر
علم النفس : 50 درجه في جيبك والمذاكرة من كتاب المدرسه
الانجليزي: كتاب surprise و the best ونحاول نحفظ كلمات ولما نحل الى مش عارفينه نروح للاستاذ مفيهاش حاجه
العربي : كتاب الوزارة للجماليات + كتاب خارجى شرح الرساله روووووووووعه
وربنا يوفقنا جميعا وابقي ادعليلى ربنا يفك كربي لانى بجد انا في صعب ويا ريت ااقدر اكون فيدك باى حاجه
اه نسيت ......................... نعمل كشكول فيه ورق فاضى نجمع فيه الى احنا مش عارفينه ونروح للاستاذ يفهمنا االاسئله ويقلنا على الاجابه النموزجيه ونراجع الكراسه دى كل جمعه
وربنا معاكى
|