[عاشقة الفردوس الاعلى]

بصى انا طالبة فى الفرقة الرابعة طب طنطا (انا اخت عاشقة الفردوس ) ....هى الكلية مش صعبة للدرجة يعنى بالعكس اعتقد انها اسهل من صيدلة هى كل الحكاية فى طول السنين بس .....شدوا حيلكوا بس كده وتوكلوا على الله وربنا هيعينكم باذن الله
بالنسبة لطنطا هى المشكلة ان الكلية لم تاخذ الجودة بعد ومازالت غير معترف بيها لو سافرتى ولكن احنا بنسعى حاليا ان الكلية ان شاء الله تاخد الجودة الفترة دى خاصة بعد تغيير الاتحاد والكوسة اللى فى الكلية بعد الثورة ولكن لسه بنحاول ولسه التغيير بيبدا خاصة بعد اما انتخابات العمداء تبدأ .......بالنسبة للدكاترة بصراحه فيه دكاترة شرحهم فوق الممتاز وشاطرين جدا وفيه دكاترة ما تفهميش منهم حاجة ولكنهم الحمد لله قلة .......زى اى كلية واى مؤسسة فيها الحلو وفيها الوحش ......بالنسبة للامكانيات ما اقدرشى اقولك انها متوفرة وبوفرة وكل شئ تمام ...انا ما شوفتش وما اعرفشى الامكانيات اللى فى الكليات التانية علشان احكم بس اكيد هتكون مثلا فى عين شمس والقاهرة افضل .......فيها مستشفى جامعى للتدريب اكيد ولكن ده مع نفسك بقى يعنى احنا لسه اول سنة نحتك بالمريض كان السنة دى ......فحكاية التدريب محتاجه منك انت مجهود وانك تنزلى تتعلمى وتروحى لاى حد يعلمك وده غالبا ممكن يبدا من رابعة على ما تاخدى مواد كويسه تساعدك وعلى ما تفهمى وتتاقلمى على جو الكلية ........بالنسبة للتقديرات ........ان شاء الله سهل انك تجيبى تقديرات بس طبعا بالمذاكرة ويمكن تكون هى اسهل من اى طب تانى ............هو الوحش فيها النظام الادارى للكلية وخاصة الشؤن اللى بيطلعوا عينينا على ما يعملولنا حاجة ....وان التطوير فيها ببطئ شديد والحشو اللى فى المناهج وقلة التدريب الاكلينيكى وقلة الامكانيات بس اعتقد معظم المشاكل دى هتلاقيها فى كليات كتير .
على العموم ربنا معاكم ويوفقكم واى استفسار انا فى الخدمه