اقتباس:
المشاركة الأصلية كتبت بواسطة mohammed-ahmed
طب دلوقتي في مشكله وكنت عايز أعرف هل دي تندرج تحت مسمي ايه بالضبط هل فساد تعليم أم فساد دوله ام فساد أنفسلأني بجد كده حرااااااام.
أنا في واحد زميل دراسه هو جاب السنه ده 92.7 في المائه نفس مجموعي بالضبط هو الحمد لله دلوقتي دخل هندسة القاهره , مستغربين مش كده؟!! والله الحكايه بسيطه جدا. والده حاجه كبيره في الشرطه مش فاكر ايه بالضبط جاب له شهاده من نادي اتحاد الشرطه تفيد بأنه بطل ألعاب قوي وأخذ 16 درجه حافز رياضي مع العلم ان الولد ده بيشرب سجائر كماااااااان ومعرفش بطل ازاي بجد مش حاجه تحزن هههههه ابتسم فأنت بمصر العزيزه(أم الدنيا).
|
دا مش فساد تعليم مع العلم ان فى فساد تعليم
لكن دا فساد ضمير غائب نايم بقاله سنين
صعب انه يصحى بالسرعه دى
زى ما باش مهندسه هاجر قالت الحل مش هيبقى جذرى
واحب اقولك ان مهما عمل وحتى لو خدت دكتوراة فى الهندسه بنفس الطريقه
اللى ربنا عايزة هو اللى هيكون فى النهايه
انا اريد وانت تريد والله يفعل ما يريد
محدش عارف الخير فين
كنت قريت مقوله قبل كدا عجبتنى اوى
اذا ربنا حققلى حاجه انا بتمناها افرح مره
اذا متحققتش افرح مليون مرة
لان ربنا هو اللى اختارلى ومفيش بعد اختيار ربنا شئ