اقتباس:
المشاركة الأصلية كتبت بواسطة أبو عبدالله 2011
ربنا يخليها وتكسر وتمسح
حسها بالدنيا
وبعدين ايه حكاية ردا جميلا
مانتى عارفة كلمتى واحدة
وموضوع وأخد حقه مننا والحمدلله
نغير واحنا مع بعض
وربنا يديم المعروف
وبالنسبة الحك العيد اكون
غلس لو رفعته
عامة احنا فى الانتظار
|
شكرا وربنا يخليك واعتقد ذكاء منك انك تفهم انا باتكلم عن مين
اما حكاية الموضوع التانى
مش عارفة اقولك ايه
جربت تدخل مكان متعود تدخله كل يوم وتقابل ناس بتقدرهم وتحبهم وتحترمهم
كل يوم تتقابلو في المكان ده وكل واحد فيكم معاه مفتاح المكان واللي بييجي الاول بيستنى التانى لحد ماالعدد يكتمل والقعدة تحلو
وفاجأة اتاخرت وعمال تقول لنفسك يلا زمان صحابك مستنيينك ورحت المكان
حطيت المفتاح ودخلت مالاقيتش حد
قعدت تنادي
حد هنا
يافلان مابيردش وتدخل غرفة ورا غرفة ومالاقيت حد بل لاقيت اثار الامس فقط هي اللي موجودة
قعدت تقول لنفسك طيب كنت عاوز اشوفهم اطمن عليهم وسلم عليهم قبل مامشي جايز مااقدرش ارجع المكان ده تانى
مالاقيتش حد يكلمك
اضطريت تمشي وتقفل الباب وراك
وجواك اسئلة ليه مشيو ؟ فين راحو ؟
طيب دي اصول احنا مش كنا مع بعض ينفع يمشو كده
هى دي الحكاية مش اكتر
ياابو عبد الله كل منتدى بيكون في صفحة اسمها استراحة الاعضاء ودي كانت صفحتنا صفحة الاعضاء مش الزوار
وفكرة الوزارة الفكرة الظريفة اللي اتحفنا بها الاستاذ سعيد كانت فكرة اتجمعنا حواليها ولو عاوزين تغيير نغير الفكرة مش نخرج بلا عودة
ياريت تتقبل كلامي وتعرف انه من باب العتاب والعشم ليس الا
وفي النهاية المنتدى كله لراحتنا جميعا واي مكان ترتاح فيه تأكد انه يسعدنا جميعا
موضوع كعك العيد
اكون سعيدة جدا لو رفعته وياريت كرم اخلاق تمضيه باسمى