طب ما احنا قلنا التقويم الشامل فاشل وما ينفعش فى مصر
الكلام ده يطبقوه فى الدول اللى بطونهم مليانه
ما يطبقوهوش هنا مع طلبة
الطالب بيطلع فى جمع القطن وبياخد يوميه 30 جنيه
تخليه ما يجيش المدرسة وهتنجحه برده غصب عنك أيها المعلم
ولا الطالب اللى طالع اعدادى ما بيعرفش يقرأ ولا يكتب
واللى مش مصدق ييجى وانا أوريله اللى ما بيعرفوش يقرأو ولا يكتبو
ولا حافظين جدول الضرب اللى المفروض يحفظوه فى الترم الثانى من الصف الثانى الإبتدائى
باقى الضرب اللى كان بدر عاوزه يرجع فى المدارس
ماهو لو هيستمر منع الضرب
طظ فى التعليم وعنهم ما اتعلمو
وخلى الفصول تبقى هيصة وزمبليطة
والعيال تنجح برده
انا اتعب نفسى ليه يا وزير ؟
عنهم ما اتعلمو ولا فلحو وخليهم ياخدوا شهادات
من مصر ويطلعو يقعدو على مساطب الخريجين