المهم ان انتى فى علوم كده حلو الكلام
بس حضرتك مقيمة فى القاهرة الكبرى وبنها مش توزيع جغرافى (أ) بالنسبالك
يبقى ينطبق عليكى تقليل الاغتراب اللى هو تحويل مناظر (( من علوم لعلوم )) بس من توزيع جغرافى (ب) اللى هى بنها
الى توزيع جغرافى (أ) اللى هى عين شمس وبغض النظر انك مش جايبه مجموع عين شمس
هما بيقولوا ان الفرق لا يزيد مثلا عن خمس درجات للكلية المراد التحويل اليها وانتى الفرق بينك وبين عين شمس لا يذكر اساسا
ملخص الرغى اللى فات انك تقدرى تحولى الى علوم عين شمس وتدخلى اولى علوم فيها وانتى معززة مكرمة
تب ازاى
بصى معايا
ادخلى
هنا
اكتبى رقم جلوسك والرقم السرى بعد ما تدخلى اختار فى خانة التحويلات اول اختيار
اللى هو تقليل اغتراب بنفس التخصص المناظر
وبعدين اختارى عين شمس علوم واعملى اضافة واكتبى بعديها القاهرة
وبعدين احفظى الكلام ده
كده انتى بأذن واحد احد فى علوم عين شمس
لو فى اى نقطة مش واضحة قولى وطمنينا عشان تحولى قبل يوم السبت
بالتوفيق