[MoHammed Youssef]

المشاركة الأصلية كتبت بواسطة الاميرة المرحة

الكلام ده جميل جدا
بس زى ما انتو قولتو انهم بيبقوا محتارين عشان البيت عايز كذا وسوق العمل كذا
وفى سبب تانى ان احنا من المدرسة محدش عودنا على الاختيار
يعنى المواد كانت بتفرض فرض هتذاكر ده وهتجيب فيه مجموع يعنى هتجيب فيه مجموع
فبعض الطلبة مكانش ليهم القدرة على الاختيار يعنى انا هدرس المادة دى عشان انا بحبها وهفهمها وهتفدنى فى المستقبل وفى الجامعة
فالطبيعى بعد ما كان الطلب بيقلولو انت هتخد ده و ده و ده دلوقتى عايزينو يختار اعتقد ان دى هتبقى حاجة صعبة
وحاجة كمان الجهل بالكليات واقسامها يعنى يا طب يا هندسة يا صيدلة دول ياما تبقى فاشل
ده تفكير بعض الناس ومن ناحية تانية احساس الطالب انه مش عارف يختار ومش عارف هيختار من ايه اعتقد ان ده سبب من الاسباب الرئيسية
لو كان الطلب اول ما يخش ثانوى يعرف ايه الكليات الموجودة وايها اللى هيدرسوا فيها وازاى ممكن يطور فيها
اعتقد انها كانت هتفرق معاه جامد وممكن يشوف كلية هو مكانش يعرف عنها حاجة ويحس انها هى الكلية المطلوبة واللى هيقدر يبدع فيها
اسفة على الاطالة بس الموضوع ده شغل بالى الفترة اللى فاتت جدا وكنت بجد عايز اتكلم فيه

بجد دى اكتر حاجة سلبية فى مجتمعنا بالذات
الروتين بتاع الطالب انه ياخد الدرس يزاكر الدرس ويزاكر ويزاكر ويجيب مجموع عشان ( ذاكر )
وفى الاخر اه يا بابا عايزنى ادخل ايه
ايه يا حسام من رأيك ادخل علمى علوم ولا علمى رياضة طيب لو علمى علوم اختار طب ولا صيدلة
وفى الاخر مش يطلع انسان ناجح


ميرسى اوى اوى على المرور