اقتباس:
المشاركة الأصلية كتبت بواسطة doctor mostafa
مكبران للصوت يتم تغذيتهما بمصدر واحد مجهول التردد وكانت سرعة الصوت فى الهواء 340م/ث ثم حدث تداخل بن التخلخل الاول من المصدر الاول والتضاغط الاول من المصدر الثانى وذلك عند نقطة تبعد عن المصدرين 25سمو 15سم على الترتيب فأحسب تردد المصدر المتذبذب
|
همممممم لأ دي سيبني امخمخ فيها شوية لان شكلها تقيلة...لكن عموما هي فكرتها ان فرق المسير = 10 سم ومنها اجيب الطول الموجي ومنه اجيب التردد...لكن لسه الفكرة ماستوتش في دماغي
اقتباس:
المشاركة الأصلية كتبت بواسطة doctor mostafa
ماذا يحث حتى نشاهد فى التلفزيون صوت وصورة؟
|
محطة الإذاعة بترسل إشارات على هيئة موجات كهرومغناطيسية فيستقبلها الهوائي (الإيريال ) بتاعنا ويحولها لصوت وصورة.
اقتباس:
المشاركة الأصلية كتبت بواسطة doctor mostafa
تتحرك باخرة نحو جبل على الشاطى بسرعة منتظمة وعندما اصبحت على بعد ا كم من الجبل احدثت صفيرا وسمع قائدها صداة بعد 5 ثوانى من حدوثة فاذا كانت سرعة الصوت فى الهواء 340م/ث احسب سرعة الباخرة
|
هممممممم دي هتلاقي غالبية اللي حلوها من علمي رياضة (وانا منهم الحمد لله) لان فيها حتة من الديناميكا.
بما ان قائد الباخرة بيسمع صدى الصوت بعد 5 ثواني والمسافة بينه وبين الجبل 1 كم
اذن الصوت يقطع مسافة 1000 متر خلال 2.5 ثانية...وبالتعويض في القانون
السرعة = المسافة / الزمن
السرعة = 1000/2.5 =400 م/ث
هنا بقى حتة الديناميكا ...الصوت طالع من الباخرة بعد ما الباخرة كانت ماشية بسرعة منتظمة وبالتالي الصوت اكتسب سرعة الباخرة برضه بالاضافة لسرعته
اذن سرعة الصوت الكلية = سرعة الباخرة + سرعة الصوت الأصلية في الهواء
سرعة الباخرة = 400 - 340 = 60 م/ث
اقتباس:
المشاركة الأصلية كتبت بواسطة doctor mostafa
ما معنى قولنا ان... فرق الضغط فى اطار السيارة يساوى 5 ضغط جوى؟
|
معنى ذلك ان الفرق بين ضغط الإطار والضغط الجوي = 5 ضغط جوي
أو ضغط الإطار يزداد عن الضغط الجوي بمقدار 5 ضغط جوي
اقتباس:
المشاركة الأصلية كتبت بواسطة doctor mostafa
حركتان موجيتان لهما نس التردد والسعة وقيمة الطول الموجى لكل منهما 4.5 متر ثم حدث بينهما تداخل وكانت قيمة فرق المسير بينهما تساوى 13.5 متر فيكون التداخل الحادث فى ذلك الموضع (هدمى/بنائى)......
|
بما أن فرق المسير = 13.5 متر
m λ= 13.5
بما ان الطول الموجي =4.5 متر
m = 13.5 / 4.5 =3
بما ان قيمة m بعدد صحيح فيكون التداخل بناء
اقتباس:
المشاركة الأصلية كتبت بواسطة doctor mostafa
ما شرط حدوث..... رؤية قوس قزح فى السماء؟
|
ان الجو يكون ممطر وانت يكون ضهرك للشمس ويكون افضل لحظة الشروق علشان تكون الشمس على ارتفاع منخفض..لان قوس قزح ناتج عن انكسار أشعة الشمس على بللورات الماء وتحللها لألوان الطيف السبعة..يعني مثلا اغسل وشك بشوية ميه وروح اقف في الشمس هتشوف على عينك بعض الوان الطيف.وكده يعني
اقتباس:
المشاركة الأصلية كتبت بواسطة doctor mostafa
اثبت رياضيا انة سواء كان المنشور الرقيق فى وضع النهاية الصغرى للانحراف او فى اى وضع اخر فان قيمة زاوية الانحراف لن تتغير..
|
دي بصراحة مش فاهمها خالص..اذا كان اصلا من خواص المنشور الرقيق انه يكون دايما عند النهاية الصغرى للانحراف ولو مكانش عند النهاية الصغرى للانحراف ميبقاش منشور رقيق...تيجي ازاي بقى؟؟؟!!!!
اقتباس:
المشاركة الأصلية كتبت بواسطة doctor mostafa
ما النتائج المترتبة على ...... اسخدام ضوء احمر فى تجربة ينج ثم اعادة التجربة مع ضوء بنفسجى؟
|
احنا لو بصينا على القانون ده
Δy = λ× R / d
هنلاقي ان كل اللي في القانون ثابت ماعدا الطول الموجي λ والمسافة بين اي هدبين متتاليين من نفس النوع Δy وهنلاحظ من القانون ان الΔy تتناسب طرديا مع λ عند ثبوت باقي عوامل القانون
طيب احنا عندنا ان الطول الموجي للون الأحمر اكبر من الطول الموجي للون البنفسجي وبالتالي النتائج المترتبة على اعادة التجربة باستخدام اللون البنفسجي ان المسافة هتقل بين الهدبين المتتاليين من نفس النوع لان الطول الموجي قل هو كمان.
اقتباس:
المشاركة الأصلية كتبت بواسطة doctor mostafa
هذة الاسئلة من الباب الاول وانتظروا منى اسئلة فى الباب الثانى.
|
مستنينها يا باشا ومتشكر جداااا على الاسئلة دي وانت برده استنى مني اجابة السؤال الاول ان شاء الله
يللا بقى مع السلامة:D