اقتباس:
المشاركة الأصلية كتبت بواسطة أمير اليأس
السلام عليكم و رحمة الله و بركاته
جايز لما تقروا الموضوع تقولوا عليا مراهق و جايز طايش و جايز و جايز و جايز
بس أحب اقولكم انى مش كدة ابدا ..... مش بشكر فى نفسى بس مرحلة المراهقة انا عديتها انا عايش مشكلة حقيقية بفكر فى حلها بقالى دلوقتى 4 شهور متواصلة جربت الحلول اللى وصلت لها منفعتش
قررت اخد رأيكم فى الموضوع ده و اتمنى انكم ما تبخلوش عليا بيه لانى عايش بجد مشكلة حقيقية
بداية الموضوع حب جارف بينى و بين شخصية شفت فيها زوجة المستقبل و حسيت انها الانسانة اللى هتربى ولادى صح وتصونى وتصون بيتى حبتها اوى اوى اوى و هى كمان قالت انها بتحبنى
فضلنا فى الحب 364 يوم بالظبط و فى يوم جات تقولى ماعدتش ينفع سألتها ليه ؟ قالتلى الموضوع مينفعش احنا من سن بعض و كدة و انت هتترفض من أهلى و انا مش عاوزة ادخل فى علاقة محكوم عليها بالاعدام يبقى انا بخسر اهلى و بخسر علاقتى مع ربنا انى بعمل حاجة من وراهم ده بعد تضحيات كتير اوى عملتها عشانها ضحيت ببيتى و دراستى وصحابى وتفكيرى و كل حاجة اديتهالها
كنت شايف ادامى حبها وبس و كنت بعمل اى حاجة تقربنى من حلمى بالارتباط بيها
لحد ما قررت انى اقول لأخوها اللى هو صاحبى من زمان قررت اقوله عشان علاقتى تبقى فى النور و منبقاش بندخل من الشبابيك
و لكن لما جيت اقولها قرارى ده بأنى هقوله ردت عليا قالتلى لا مينفعش يعرف لاننا زمايل فى الكلية وهو مش هيقبل حاجة زى دى و كمان هتحصلى مشاكل كتير اوى اوى اوى اوى بسبب قرارك ده انت كدة بتضرنى انا مش عاوزة الموضوع ده
انا انفعلت و قولت لها انا هقوله واخبطى راسكفى الحيط و هقوله مشعشان اخد رأيه لا عشان اسببلك مشاكل واقلبه عليكى
انا كنت منفعل اوى اوى من كتر الضغط اللى انا عايشه و من كتر ما صعبت عليا نفسى انى ضحيت بحاجات كتيييييييييييييييييييير اوى عشانها و هى رافضة تضحى او حتى تجازف بأى حاجة عشانى ساعتها تعرضت لهبوط حاد فى الدورة الدموية و حالة إغماء رحت بسببها المستشفى و عملولى اللازم و هى كانت معايا فى المستشفى وشلفتنى بالحالة دى
بعد كدة حاولت اعرف ردها النهائىفى الموضوع انها عايزانى و لا لاء بعيد عن الظروف وعن كل حاجة
بمعنى تانى لسه بتحبنى و لا لاء
وكان ردها ان الكلام اللى قولته فى لحظة انفجار محى كل الحب اللى كان فى قلبها ليا و قضى على كل احساس جميل فى قلبها ليا
انا مش عارف دلوقتى اعمل ايه ؟؟؟؟؟؟ اخد خطوة رسمية و اعرف اهلى و اهلها و لا اصارح اخوها اللى هو صاحبى و لا اقعد معاها تانى و لا اعمل ايه ؟؟؟؟؟؟؟؟؟؟؟؟؟؟
دى باختصار شديد جدا مشكلتى وياريت تفيدونى بارائكم المهمة جدا جدا جدا بالنسبة ليا
اسف لو طولت عليكوا و خدت من وقتكم الغالى شوية ولكن انا بجد محتاج رأيكم ومساعدتكم
|
السلام عليكم ورحمة الله وبركاتة
ليس كل ما يتمناه المرء يدركه
غالبا الظروف بتخلينا نعمل حاجات احنا مش عايزين نعملها
يعني نتخلي عن ناس معينه
نفارق ناس عايزين نعيش معاهم
حاجات كتير ممكن تجبرنا الظروف اننا نعملها
بس اهم حاجة بقى ياأمير اليأس
انك تكون مؤمن في نفسك بالله
مش مجرد كلمه بتنطقها زي ناس كتير
تقوله انت مؤمن بالله ؟
يقولك طبعا يابني انا مؤمن بالله
مع انه لو حصلتله مشكلة يفضل يسب ويلعن
طيب الايمان والاعتقاد بالله يخلينا لما يحصلنا مشكلة نسب ونلعن
؟
اذن الايمان كدا مجرد بالكلمات
مش بكل جوارحك
اتكلمنا بالمعنوي
تعالي بقى نتكلم بالمادة
اعتقد ان العلاقة لسه مخدتش الجانب الكامل من الجدية
وعلي فرض انهاجدية
يبقي نصيحه من اخوك
اجهز
وظبط دراستك
وظبط حاجاتك
وتروح تكلم اخوها وتقوله انا عايز ارتبط باختك
يبقي احنا كدا دخلنا من الباب
ولو فشلت
يبقي هو ده الخير اللي ربنا مقدرهولك
لان الجواز و الحاجات دي
بتدخل في القدر
زي الرزق و الحياة والموت الحاجات دي
يعني انت بتعمل الحاجة
وتكون مؤمن بأن ربنا شايلك حاجة احسن
يبقي اللي عليك دلوقتي
اول حاجة دايما بتكون التفكير
الغي القلب دلوقتي
قول في نفسك
انا قدامي اد ايه عبال ما اجهز
انا اقدر اعمل ايه عشان استحقها
ولو عقلك قالك انت لسه قدامك كتير
يبقي خلاص
تنهي الموضوع بشكل كامل
واعرف ان ربنا هيرزقك ببنت الحال
اللي تصونك وتربي اولادك كويس
وبعدين الطيبون للطيبات
كن طيب ربنا هيرزقك بالطيبة اللي زيك
وربنا يوفقك