زميلكم عمرو انشاء الله تجارة انجلش بنها
احمدو ربنا انكم في حلوان انا مش عارف اعمل اية ارجع تجارة عربي عين شمس ده كمان بيقولو ان كلية تجارة بنها هينقلوها لكفر شكر اروحها انا بأية؟ بحمار؟ وتحس ان بنها مدرسة ثانوية عسكرية مبنية من ايام حملة فريزر وقضاء محمد علي على المماليك
المهم تجارة وادارة اعمال جامعة حلوان كويسة جدا على فكرة تجارة خارجية مش كلية ده تخصص زي محاسبة وادارة اعمال واقتصاد وعلوم سياسية
بس هو في جامعة حلوان والزقازيق بس
بس من ناحية الشغل هتبقى برنس في تجارة خارجية ممكن تشتغل في شركات الاستيراد والتصدير والتخليص الجمركي والمواني والمطارات وفي السفارات بره ممكن مثلا ملحق تجاري وياسلام بقى لو درستها بالانجليزي يعني تجارة شعبة اللغه الانجليزية قسم تجارة خارجية جامعة حلوان
اعذروني على الاطالة
|