[MohammeD el_SadaT]

السلام عليكم و رحمة الله و بركاته

وعليكم السلام ورحمه الله وبركاته

جايز لما تقروا الموضوع تقولوا عليا مراهق و جايز طايش و جايز و جايز و جايز

لاء طبعاً

بس أحب اقولكم انى مش كدة ابدا ..... مش بشكر فى نفسى بس مرحلة المراهقة انا عديتها انا عايش مشكلة حقيقية بفكر فى حلها بقالى دلوقتى 4 شهور متواصلة جربت الحلول اللى وصلت لها منفعتش
قررت اخد رأيكم فى الموضوع ده و اتمنى انكم ما تبخلوش عليا بيه لانى عايش بجد مشكلة حقيقية

إن شاء الله اللى فيه الخير يقدمه ربنا

بداية الموضوع حب جارف بينى و بين شخصية شفت فيها زوجة المستقبل و حسيت انها الانسانة اللى هتربى ولادى صح وتصونى وتصون بيتى حبتها اوى اوى اوى و هى كمان قالت انها بتحبنى

كلام جميل وحلم كل شاب يلاقى المواصفات دى

فضلنا فى الحب 364 يوم بالظب

حاسبها باليوم

فى يوم جات تقولى ماعدتش ينفع سألتها ليه ؟

قالتلى الموضوع مينفعش احنا من سن بعض و كدة و انت هتترفض من أهلى و انا مش عاوزة ادخل فى علاقة محكوم عليها بالاعدام يبقى انا بخسر اهلى و بخسر علاقتى مع ربنا انى بعمل حاجة من وراهم ده بعد تضحيات كتير اوى عملتها عشانها ضحيت ببيتى و دراستى وصحابى وتفكيرى و كل حاجة اديتهالها
كنت شايف ادامى حبها وبس و كنت بعمل اى حاجة تقربنى من حلمى بالارتباط بيها

ضحيت بكل حاجه ( دراستك .. صحابك .. وبيتك كمان )
أكيد غلطان
يابنى الحب " تضحيات أى نعم بس مش لدرجه تخسر صديق ليك أو فرد من عيلتك وتنسى مستقبلك " الحب دافع للنجاح وتغير أفضل من شخصيه لشخصيه " الحب اللى يبدل البنى آدم ويخليه يخسر أهله وناسه ميبقاش حب " دا يبقى ( عبط .. بحث عن الحنان المفقود .. وفاكر إن هى دى الحياه !! .. بعدها الحياه عدم )
لاء إصحى فوق سبيلك فى الحياه وسلاحك مستقبلك اللى هو شهادتك اللى هتفتحلك الأبواب المغلقه وأهلك اللى هيسعدوك وصديقك اللى هيقف جنبك
دور فى الزمن عن صاحب يصونك لما الزمن يخونك
مقلش حبيب يعنى
الحب ده أدنى مرتبه تدور عليها وتعلق حياتك بيها بس بردو مينفعش تهمله بس الحب بالعقل ومزج تفكير العقل بالقلب
متخليش حاجه تنسيك حاجه متصلحش خطأ بخطأ أكبر

سؤال يطرح نفسه هنه بعد الجزئيه دى
؟؟
هى عملت إيه عشانك
؟؟

لحد ما قررت انى اقول لأخوها اللى هو صاحبى من زمان قررت اقوله عشان علاقتى تبقى فى النور و منبقاش بندخل من الشبابيك
و لكن لما جيت اقولها قرارى ده بأنى هقوله ردت عليا قالتلى لا مينفعش يعرف لاننا زمايل فى الكلية وهو مش هيقبل حاجة زى دى و كمان هتحصلى مشاكل كتير اوى اوى اوى اوى بسبب قرارك ده انت كدة بتضرنى انا مش عاوزة الموضوع ده

لو تقدر تعمل خطوه زى دى ياريت مش تتردد الحب فى النور والعلاقه الطاهره مفيش أفضل منها وخطوه زى دى هتحدد حاجات كتير
زى ما بنقول بالبلدى
" إقطع عرق وسيح دمه "

• هترحم نفسك من الشك
• هتعرف إن كنت مقبول ولا مرفوض
• هتعرف إذا كانت هى هتقف جنبك ولا لاء
• لو قصه الحب مكتوبلها الفشل هتعرف بدرى مش هتعيش وتضيع سنين عمرك فى الوهم على الفاضى

سؤال تانى ليه هى خايفه رغم إنها المفروض تفرح إنك عاوز يكون حبكم فى النور
؟؟!!

انا انفعلت و قولت لها انا هقوله واخبطى راسكفى الحيط و هقوله مشعشان اخد رأيه لا عشان اسببلك مشاكل واقلبه عليكى
انا كنت منفعل اوى اوى من كتر الضغط اللى انا عايشه و من كتر ما صعبت عليا نفسى انى ضحيت بحاجات كتيييييييييييييييييييير اوى عشانها و هى رافضة تضحى او حتى تجازف بأى حاجة عشانى ساعتها تعرضت لهبوط حاد فى الدورة الدموية و حالة إغماء رحت بسببها المستشفى و عملولى اللازم و هى كانت معايا فى المستشفى وشلفتنى بالحالة دى

إنت هنه غلطان كبير
كان أبدى من الإنفعال التكلم بالعقل وتعرف ليه هى رافضه مبدأ النور وإك تتكلم مع أخوها أو مع أهلها وتخلى العلاقه رسمى
وبعدين يا عزيزى
" ولا تقتلو النفس التى حرم الله قتلها الا بالحق "
بإنفعالك ده واللى حصلك كده إنت بتعصى أمر ربنا سبحانه وتعالى وبتقتل نفسك
واللى شاريك إشتريه
وزى المثل ما قال
" من حبنا حبناه وسار متعنا متاعه ومن كرهنا كرهناه ويحرم علينا إجتماعه "

بينى وبينك
" مش حاسس بحب من ناحيتها ولا خوف عليك "

بعد كدة حاولت اعرف ردها النهائىفى الموضوع انها عايزانى و لا لاء بعيد عن الظروف وعن كل حاجة
بمعنى تانى لسه بتحبنى و لا لاء
وكان ردها ان الكلام اللى قولته فى لحظة انفجار محى كل الحب اللى كان فى قلبها ليا و قضى على كل احساس جميل فى قلبها ليا

قولتهالك قبل كده أنا مش متفائل
اللى يبيعك بكلمه فى مره ممكن يبيعك كل مره إنت تعبت عشانها وضحيت عشانها نسيت هى حبك وباعتك عشان كلمه فى إنفعال
وقالتلك الرد بعد خروج من المستشفى كمان يعنى صدمه بسببها
البنت دى مش مقدارك يا صاحبى

هى شكلها كده متقدملها عريس
؟؟
فيه حاجه اللى بتعمله ده مش من فراغ
!!

انا مش عارف دلوقتى اعمل ايه ؟؟؟؟؟؟ اخد خطوة رسمية و اعرف اهلى و اهلها و لا اصارح اخوها اللى هو صاحبى و لا اقعد معاها تانى و لا اعمل ايه ؟؟؟؟؟؟؟؟؟؟؟؟؟؟

لو متمسك بيها يكون ده أفضل حل
تصارح أهلك وتحاول تخلى الموضوع رسمى وزى ما قلنا قبل كده
" تقطع عرق وتسيح دمه "
وهنه هيبان إذا كانت هى عوزاك ولا لاء
وده أفضل حل لو عاوز تستريح من الشك والتعب النفسى

لكن لو مش هتقدر يبقى الحل الأفضل
إيعدها عنها خالص ولو هى بتحبك هترجعلك وهتحاول تطمن عليك وطبعا لو مرجعتش يبقى العكس تماماً
" إذا أردت شىءً بشده أطلق صراحه فإن عاد إليك فهو ملكاً لك إلى الأبد وإن لم يعد فهو لم يكن لك من البدايه !! "

رأيى بعد قراءه كلامك

البنت دى مبتحبكش وإنت خساره فيها
إعزورنى على صراحتى إنت طلبت رأيى وده رأيى بكل صراحه