اقتباس:
المشاركة الأصلية كتبت بواسطة ليدى اوسكار
العربى غتت دية المادة الوحيدة الى كنت مطمنة ليها لانى بحبها من اعدادى اوى بسحعمل بنصيحتك خصوصا انى بحبها اوى المواد المنتهية انا مش فاهمة موضوع التسيم دة لو تقدرى تفهمينى بسبس نظامها يعنى اية بيبقى مع بعض و اية مش مع بعض
و شرا تانى ليكى
|
يابختك بتحبى العربى
بصى ياستى هو بالنسبة لتقسيمة المواد فدا بيبقى فى اربع مواد اساسية يعنى لازم كل ترم ناخدهم ماشى اللى هما عربى ورياضة وانجليزى ولغة تانية اما بقى بيبقى فيه 6 مواد منتهية يعنى هتدرسة منهم 3 بس ف كل تيرم ودا بيبقى على حسب تقسيم المدرسة ليكى المجوعة الاولى مثلا احياء مع كيميا مع تاريخ والمجموعة التانية فيزيا مع جغرافيا مع فلسفة تمام كدا
اقتباس:
المشاركة الأصلية كتبت بواسطة zozza love
انا بدأت اذاكر تاريخ
بجد حلو اوى ولذيذ جدآ
انتوا ايه رايكم فيه؟
|
انا من ساعة ماجبت الكتاب والله مابصيت فيه او مش لاقية وقت ابص فيه اصلا
اقتباس:
المشاركة الأصلية كتبت بواسطة شفخفخ
بصوا يا جماعة الموضوع ده اكيد اتكلمتوا فيه كثير بس معلش بقى عشان خاطرى اتكلموا تانى
عايزين نتفق اننا مناخدش دروس فى كل المواد علشان وقتنا ووقت المزاكرة الاول اعرفكم بنفسى تانى انا اسمى اسراء من القاهره
انا هبدأ ماده ماده
العربى : مش عايزة اخد فى درس لانه بيبقى سهله واقدر ازاكرة لوحدى مع شرح المدرس فى الفصل طبعا
الرياضيات : من مغير كلام لازم كلنا ناخد فييييييييها
الكيمياء : لو الترم الاول يعنى هناخد كيميا بردو ان شاء الله لازم ناخد فييها
الفيزيا : لازم ناخد فيها بردو
الاحياء : لازم ولازم ولازم بصراحة كل اقسام مادة العلوم لازم ناخد فيها
ال انجلش : هو سهل طبعا بس لازم ناخد فييها لان هيبقى فيها كثير اوى من 2 و 3
الجغرافيا : كلهم يا جماعة بيقولوا سهله جدا ومش محتاجة درس
التاريخ : كله حفظ يبقى هناخد درس ليه ؟؟
المانى فرنساوى ايطالى : بردو مفيش كلام دى ماده جديده بنختارها ولازم ناخد فيها درس
وانا مختارة المانى
ايه رأيكوا بقى فى كلامى اللى عنده تعليق يقوول بسررعه
|
انا باخد ف كل اللى انتى قولتى عليهم دول وباخد كمان ف العربى لان بصراحة العربى دا اكبر مشكلة عندى وربنا يستر بقى يعنى بروح عربى وانجليزى ورياضة وفرنساوى وكيميا واحياء مش بروح تاريخ الحمد لله
اقتباس:
المشاركة الأصلية كتبت بواسطة !! Dark man !!
اه فعلا التاريخ مادة جميلة جدا وانا بحبه جدا صراحة بس بالنسبة للاحياء كلها حفظ فاانا شايف اننا ناخذها فى البيت احسن عشان مش محتاجة
|
مش كدا يا اسلام انا بردو بقالى يجى سبع حصص بروح واخدت حاجات عن البلهارسيا خلصت الباب الاول يعنى وشايفة انى كان ممكن ازاكرها لوحدى ومفيهاش اى حاجة تتعلق بالفهم خالص
اقتباس:
المشاركة الأصلية كتبت بواسطة !! Dark man !!
يا جماعة للاسف ضاعت منى اول حصة فى الرياضة بس انا حتى الان كله فاهمه ما عدا حاجة واحدة بس
لما يجى فى سؤال ويقلك
اذكر الربع الذى تقع فيه قياسات زواياه الاتيه
مثلا 1276 درجة
القاعدة بتاعتها هـ + ن * 360 = ونجيب الاجابة ونطلع الربع
طبعا هنقول 1276 - 4* 360 = ....
انا بس كل اللى عاوز اعرفه هو ال 4 ده بتاعة ايه لما نجاوب
|
بص اول حاجة الاربعة دى بتاع الدورة يعنى ايه يعنى عندنا ف النظام الاحداثى اخر رقم نسمع عنه بيبقى 360 معنى كدا ان الدورة الواحدة تساوى 360 طيب لو جالك بقى رقم اكبر من كدا هتقعد تنقص منه يا إما دورة او اتنين او تلاتة او حتى اربع دورات المهم بعد ما تنقص من العدد دا دورات يطلع الناتج اقل من 360 تمام كدا!!