اقتباس:
alf shokr wlahy 3la el rdd y3ny msh 3arf a2olk eh bs feh so2al
ana asm3 en feh 7aga esmha Marketing
dy msh qsm wla eh b el zbtt w shokrn
|
الماركتنيج دا مش هاتلاقيه غير في الجامعة الامريكية
فيه قسم تبع كلية اعلام اسمه integrated marketing
بيدرسو فيه ازاى بيستخدمو الماركتينج في الاعلام
وقسم تبع كلية ادارة الاعمال اسمه Marketing
ودا بتدرس فيه ازاى تطبق الماركتينج من الناحية المالية والتخطيطية
اما الجامعات الحكومية فهيا فقـر اوي في حكاية الماركتينج دي ..
اخرك فيها تدرسها في سنة تانية او تالته وكلها رغى ومش هاتستفيد بيها في حاجة
انا عارف انت عايز ايه لان انا كنت متحمس اوي للمجال دا .. بس مالقيتش سكة عدلة ادرس بيها اللى انا عايزه
اقتباس:
ahaa w asm3 kman en feh company esmha 7azm 7assn lya wa7d feha a3rfo bysht3'l mrag3
f da msln byt5ss eh b2aa
|
حازم حسن دا حاجة جامدة جدا .. يعتبر اكبر واشهر مكتب محاسبة في مصر
بص عشان تبقى فاهم برده ويبقى ليك خلفية
على مستوي العالم فيه 4 شركات هما اللى ليهم اسم كبير جدا في مجال المحاسبة والمراجعة
وملقبينهم بلقب الـ big 4
الشركات دي فاتح فيها شركتين في مصر ..
price water house coopers .. ودي شركة لوحدها ومابتشغلش الا خريج تجارة انجليش
وتقدير جيد جدا وبتمتحن كمان وياعالم يا تنجح يا تسقط
وشركة تانية اسمها KPMG ودي فاتحة هنا في مصر بس مش فاتحة بالاسم الرسمي بتاعها
لكن مديه مكتب حازم حسن التصريح باستخدام اسمها في مزاولة اعمال المحاسبة في مصر والعالم
وطبعا من المعلومات دي هاتستنتج ان مكتب حازم حسن هوا التوب ودا عشان كمان بياخد شغل شركات كبيرة
ومن اشهرها موبينيل .. بمعنى ان موبينيل بيبقى عندها ميزانيات وقوايم دخل وحاجات كتيرة جدا
واللى بيعمل القوايم دي الناس اللى شغاله جوا الشركة دي اللى هما المحاسبين العاديين
من الممكن ان يحصل خطأ في البيانات المكتوبة في القوايم دي
خاصة انك بتتكلم في ارقام بالملايين والمليارات
فابيبقي فيه حاجة اسمها internal auditor يعنى مراجع داخلي ..
المراجع دا بيبقى من جوا الشركة والشركة هيا اللى معيناه وبتديله مرتبه
المراجع دا ممكن ينصب في الارقام ويعمل عمليات اختلاس من تحت لتحت
فابتقوم الشركة متعاقدة مع مكاتب محاسبة خارجية زي حازم حسن كدا عشان تراجع القوايم دي تانى
وحازم حسن دا احنا بنسميه في المحاسبة external auditor يعنى مراجع خارجى
خارجي ليه ؟ عشان من بره الشركة اصلا ومالوش اي علاقة بالشركة غير حتة العقد اللى بين الشركة والمكتب
واللى بينتهى بمجرد انتهاء عملية المراجعة وتسليم تقرير المراجعة للشركة
فانتا عشان تشتغل في مكتب زي مكتب حازم حسن دا لازم تتخصص محاسبة
لان المحاسب زي ماقولتلك هوا اللى بيعمل القوايم والمراجع هوا اللى بيراجعها
والمراجع بتبقى درجة اعلى من المحاسب .. بس المراجع كان محاسب قديم وشرب الصنعة
لغاية مابقى عارف فين الحتت اللى ممكن يحصل فيها اختلاس ونصب وممكن يفقسها
فهمت ؟؟؟
معلش بقى الرد كان طويل شوية .. اعتبرها اول محاضرة ليك في الكلية :D :D