اقتباس:
|
طب دلوقتى باب التحويلات قفل فهل انا ينفع احول من تجاره عين شمس لتجاره القاهره ولا كده خلاص مينفعش
|
لا للأسف كدا خلاص مش هاينفع
اقتباس:
|
ش و ممكن تقولى مصاريف قسم اكتواريه كام؟؟
|
نفس مصاريف تجارة انجليش .. 4500 جنيه
اقتباس:
|
وانا دلوقتى فى تجاره عين شمس هل لو جبت تقدير جيد فى سنه اولى ان شاء الله ينفع احول لتجاره القاهره واخش قسم اكتواريه؟؟؟؟
|
مش هاينفع زي ماقولتلك .. لو نفع تحويل عين شمس للقاهرة يبقى مش هاتعرف تخش اكتواري
لان فيه لائحة بتقول ان لا يجوز التحويل في سنة التخصص
والتخصص في اكتواري من سنة تانية .. فاماينفعش تحول لان لو افترضنا انك هاتحول في اجازة سنة اولي
يبقى مش هاتلحق اصلا لان امتحان القبول بتاعها بيتعمل في نص تمانية .. حوار فكسان درجة اولي يعنى
اقتباس:
|
واخيرا ممكن اعرف من حضرتك انهى احسن تجاره عين شمس ولا تجاره القاهره و تجاره حلوان؟
|
التلاته كويسين والله .. انا مش عارف انتو شاغلين دماغكو بالموضوع دا اوي ليه كدا
انت خدها نصيحة منى والنصيحة دي مسيرك هاتفتكرها ان شاء الله لما تتخرج
انت اللى هاتنفع نفسك بصرف النظر بقى انت خريج ايه ان شالله تكون خريج جامعة المريخ
بمعنى مش لازم تأتب على المذاكرة اوي .. بس افهم وركز اوي في اخر الترم عشان ربنا يكرمك وتجيب تقدير
وثانيا اشتغل على الانجليش من دلوقتى .. وماحدش يقولك ياعم انجليش ايه وبتاع ايه اصبر في الاجازة
لا خاالص .. الانجليش دي مهارة وبتكتسبها بالتعلم والممارسة وبتاخد وقت
فانتا لما تبتدي دلوقتى باذن الله على سنة تالته تلاقي الانجليش بتاعك اتظبط صح
ساعتها فيه منحة مجانية اسمها ايديو ايجيبت ودي جامدة جدا وانا حاليا بدرسها لغاية دلوقتى اهو
بتدرس فيها كل حاجة بالانجليش .. والمنحة دي هاتظبط الانجلش عندك بطريقة مهووولة هاتخليك برنس
بس لازم يكون فيه مينمم معين للغة .. بمعنى انك بتخش امتحان بتحدد مستواك فيه ولو اتقبلت بتخش
اما بالنسبة بقى للكورسات المتخصصة بتاعة المحاسبة .. فيه ناس بتدرس السي ام ايه من سنة تانية كلية
بس انا بصراحة مش بحبذ الموضوع دا لان الشهادة تقيلة وفيه حاجات صعب استيعابها في المرحلة دي
فهوا انت حاليا ركز على الانجليش جامد .. ولو انت جدع خدلك لغة تانية جنبيها ..
انا شغال على الاسبانيش دلوقتى .. صدقني كل دا بيرفع من قيمتك بعد كدا لما تيجي تقدم في اي شغل
على الاقل بتحس انك انت فيه ميزة ليك عن باقى الناس اللى مقدمة معاك في الشغل