اقتباس:
المشاركة الأصلية كتبت بواسطة اسلامى عزتى
ازيك يا سمسمة وحشانى يا حبيبتى ايه اخبارك ياقمر ربنا يوفقك يارب 
متفكرنيش بالانجلش لان انا جالى احباط منه مش لاقية مدرس كويس  للاسف واحد بيهتم بالجرامر بس وبيسيب الكلمات والشورت ستوريس وواحد بيهتم بالكلمات وبيحفظ الجرامر وانا مابحبش اسلوب حفظ الجرامر فانا ناوية اخلينى مع الاول بتاع الجرامر واذاكر الكلمات مع نفسى بس والله مش عارفة جايلى احباط وماليش نفس افتح الكتاب انا جايبة كتاب سربريس من كام يوم وهغيره بجيم لان المستر قال هاتوا جيم فانا عندى المعاصر وعندى مذكرة مستر تانى فمش معقول هقدر اخلص ده كله مش عارفة اعمل ايه ادعولى انا كمان |
اهلا ازيك يا لولو انا الحمد لله تمام انتى عاملة ايه
طب مشكلة الانجليزى عندك دى ممكن تشوفى مدرس تالت كدا يعنى دورى وبالنسبة للكتب انا جبت 3 ملخصات دا غير المزكرة بتاع الدرس انا كمان مش عارفة هلحق اخلصهم امتى ربنا ييسر بقى
اقتباس:
المشاركة الأصلية كتبت بواسطة ninooooo
الفيزياء كلها قوانين يعنى محتاجة حفظ وعلى فكرة انا أفلت الفيزياء
|
نعمممممم قفلتى الفيزيا ؟؟ دا احنا لسا مدخلناشالمدرسة مش معقوووووول
اقتباس:
المشاركة الأصلية كتبت بواسطة مدعوق
سجلي كل الكلمات الجديدة اللي بيقولها واحفظيها ومع الوقت والتكرار هتلاقيكي عارفة كل اللي بيقوله
ولسة بدري اوي
 خليكي متفائلة |
حاضر يا مريومة هعمل كدا
اقتباس:
المشاركة الأصلية كتبت بواسطة مدعوق
وانا لسة هبدأ ان شاء الله بعد العيد
ربنا يوفقنا جميعاااااا
|
ربنا معانا
اقتباس:
المشاركة الأصلية كتبت بواسطة مدعوق
وقفتوا لحد فين في الانجليزي يا جماعة؟
|
القصص خلصنا اول قصة اللى هى قصة فنان الجرامير خلصنا المضارع البسيط والمضارع المستمر واماضى البسيط وشوية كدا ونفنش الوحدة الاولى وبناخد كل حصتين كدا كذا جملة ترجمة
اقتباس:
المشاركة الأصلية كتبت بواسطة !! Dark man !!
اوك يا نينو وانا كمان هقفل دلوقتى واتمنى دايما اننا كلنا نشجع بعض
والسلام عليكم ورحمة الله وبركاته |
كويس والله انكوا اتفقتوا على ميعاد وتشجعوا بعض وكدا انا بقى ممكن ببقى نايمة ف اى وقت انا لسا صاحية حالا وان شاء الله هحل رياضة وانفرد بالانجليزى الزفت دا ادعولى انجز حاجة فيه
__________________
If you have a dream ..
You should work for it ..
try to achieve it by all possible means ..
even die for it !!.
|