[الاستاذ محمد سرور]

المشاركة الأصلية كتبت بواسطة غاربله

ياستاز هوه ربنا يهديك للخير مش قمه النقاش الموضوعى 0000
هيه البيضه الاول ولا الكتكوت 000
ابسط قواعد العقل بتقول ان احنا نحط القواعد وبعدين نبنى البناء 000
يعنى نعمل دستور وبعدين 000انتخابات ومجلس شعب ورئاسه وخلافه 000

ومن قواعد العقل ايضا ان اللى يحط القواعد دى يكون منتخب من الشعب
علشان الشعب لما يجيى يبنى البناء يعرف ان القواعد اللى هيبنى عليها تقدر تستحمل البناء وتقبل هذا البناء
مش كل ما يجيى يبنى حاجة يتفاجىء انه ممنوع ومخالف لقواعد هو لم يختارها ولم يختار من ارسى هذه القواعد
لكن طالما الشعب اختار 00000(رغم انى عارف انه مخترشى غير الموافقه على التعديلات وبس) انا مع اختياراته (ديمقراطيه بقى)يبقى تجرى الانتخابات وتشكل لجنه للدستور منتخبه من مجلس الشعب لااعداد الدستور وعلشان مش نقع مره اخرى تحت سيطره الاغلبيه اللى مش بالضروره (لازم تكون اسلاميه ) وكفانا ما فعله الحزب الوطنى فينا وكفايه اللى شفتوه فى تعديل الدستور مع الحزب الوطنى حيث وافق الشعب المصرى على الماده 189فى سابقه غير مسبوقه فى العالم ان يختار الشعب تقييد حريته والقبض عليه وتفتيش بيته دون اجراءات قانونيه 000
هذه المبادىء صيانه للشعب ولدستوره من غشوميه الاغلبيه 0000وخلونا نفضى لعجله الانتاج ابوس على راس اهليكم

لاحظ ان الاغلبية دى لو حصلت هتبقى بتمثل الشعب اللى اختارها