نفسي أبطل شغلانة الدروس دي، والواحد يبقى وقته وطاقته للفصل ويعرف يبدع
نفسي مبقاش مستني جرس اخر حصة عشان ألحق أجري على الشغل التاني
نفسي أتفرغ لربنا ولعبادته بدل ما انا مقصر دايما وعذري اقبح من ذنبي
نفسي اتفرغ لبيتي وأولادي واعرف اخد بالي منهم واراعيهم، واراعي ابويا وامي وصلة رحمي
نفسي يبقى عندي وقت أقرأ وأطور نفسي سواء في ديني أو دنيتي أو شغلي
نفسي محدش يبص لي بنظرة اني أقل منه عشان أني مدرس ومرتبي ميعتبرش أصلاً مرتب أو حتى أجر صنايعي
نفسي يبقى وقتي ملكي أنا، مش عمال أدور على دقايق أشم فيها نفسي
يارب، انت رجائي، ومليش غيرك
|