اقتباس:
المشاركة الأصلية كتبت بواسطة هاشم الظلاط
بتفكرونى يا اولاد ويا بنات بالماضى لما كنت بحب بنت فى الشارع بتاعنا ولما قلت لها انا هاتقدم واخطبك فعلا قالت لى لا انا مش بفكر فى الارتباط الان فانسحبت من حياتها للابد
احب اقولك يا امير بصفتى مجرب الكلام دة قبلك انى دى فترة لازم تمر بيها غصب عنك خاصة وانت كنت بعيد عن ربنا
ليه؟؟؟
أنا مش بعيد عن ربنا و لا حاجة انا راجل مش متدين اوى يعنى بس الحمد لله محافظ على قد ما اقدر على علاقتى مع ربنا
يا صديقى الاسلام لا يعترف بالحب الا اذا كان حبا لله ورسوله اولا
وحب اسرتك ومن تعول ثانيا
اى ان الحب الذى تقصدة يقول العلماء انه حرام شرعا
أحب اقولك انه مع احترامى لحضرتك الحب كإحساس و شعور مش حرام خالص لأنى بحثت فى الموضوع ده كتير اوى و كمان بالعقل كدة ايه الحرمانية فى أنى اتمنى ان واحدة تكون زوجة مستقبلية بناءا على القيم و الاسس اللى وضعها الاسلام للزوجة الصالحة
وبالتالى انت بعيد عن ربنا وعن شرعه
وثالثا هى مش كانت بتحبك اصلا معلش لانك بكلمك بصراحة شديدة انا واثق من خلال الكلام اللى انت قولته انها ما كانتش بتحبك اساسا جنابك اللى كنت غرقان لشوشتك
أنا أعرفها اكتر من نفسها و هى بتحبنى جدا جدا و لكن هى عندها ضغوط هو ده اللى خلق المشكلة
والايام كفيلة اها تنسيك الكلام دة وكل اللى حصل وبعدين انت مشكلتك الاساسية انك رومانسى زيادة عن اللزوم
وبكرة اللى مش بعيد ان شاء الله هتضحك على الايام دى زى ما انا ضحكت عليها كل ما افتكرها وانت عايش مع زوجة بتحبك وتخاف عليك وتعيشك فى قصة حب على طول
صدقنى هتضحك على الايام دى مش كدة وبس انت كمان هتقول لنفسك
يا خبر واد يا امير هو انت كنت اهبل للدرجة دى كنت بتتعب وتروح المستشفى علشان خاطرها يااااااااة دا انا كنت اهبل بشكل الحمد لله ان ربنا رزقنى بزوجة كويسة وجميلة والاهم من كل دة بتحبنى وبتموت فى وانا كمان بموت فيها
انا بسجل اعتراضى على كلمة " أهبل " لأننى مهما عشت و مهما تقدم بيا العمر انا مش هنسى ابدا حبها لأنى وفى مش أهبل و مخلص مش حاجة تثير الضحك
واخيرا يا صديقى
تمنى لها التوفيق بعيدا عنك وامحووو اسمها من ذاكرتك الى الابد
متشكر جدا بجد على مرورك و رأيك اللى انا مش هاخد بيه
اخوك الاستاذ هاشم
|
و ميرسى جدا مرة تانية على وجهة نظرك