[ArabianPDA2]

المشاركة الأصلية كتبت بواسطة اسلامى عزتى

ازيك يا دوكتور أنا عايزة اخد رأيك فى حاجة أنا راحة اولى ثانوى رأى حضرتك اشد فيها زى تانية ولا اريح شوية
أنا عن نفسى عايزة اذاكر ومش عايزة اذاكر عايزة اذاكر المواد ايلى بحبها كيمياء وفيزياء ورياضة والمواد ايلى هتفدنى فى الثانوى كله زى الفرنش والانجلش بس وماليش نفس اذاكر التاريخ او الفلسفة او الجغرافيا او القصة فى العربى او الادب الممل ده المهم ومع ده نفسى احتفظ بمركزى على مدرستى
أسفة على الاطالة ياريت حضرتك تجاوبنى

لا شدي ف اولي
يمكن اكتر ما هتشدي ف تانيه
لسبب بسيط

دماغك زيما تعوديها لوعودتيها انك ليكي القدره انك تذاكري بشكل افضل في وقت اقل ده هينفعك جدا ف الثانوي
ثم ان نمط مذاكره اولي 90% هتتبعيه بعد كده
لان اساسيات الثانوي ف أولي
بمعني
عؤربي اولي مثلاً هو اول فرصه ليكي تعرفي شكل منهج الادب
البلاغه كده يعني
طبعاً الفرنش والانجلش اساسي
يعني الانجلش حاولي تاخدي لكنه هتنفعك بعدين ف المنظره علي اصحابك
احفظي كلمات كتير بره المنهج هتنفعك بجد
سيبك من ام الثانوي امتحانات الانجليزي بتاعت الثانوي النايم ممكن يقفلها والله
انا مكنتش بشوف كتاب المدرسه ف السنتين ولا عارف فيه ايه جرامر فيهم اساساً وبدخل اقفل ومش انا لوحدي كل الي داخلين م المدرسه عندنا بترول وبشري واسنان وصيدله كده برضو
هو بس يكون عندك سنس باللغه واساس قوي ف الجينيرال انجلش


بس صدقيني تاريخ الثانوي والله لتحبي تذاكريه انتي
ماده انا فاكر كنت بحبها اووووووووووي هو والجغرافيا مع انها صعبه جدا
وكنت جايب ف التاريخ
19.9
والجغرافيا 19.8
بس كنت بدحهم للامانه يعني

الفلسفه اول مره كنت اشوفها كان يوم الامتحان وده بجد والله
وجبت فيها 19.6 اصل كلها كلام فاضي اقري بس وخلاص

فيزيا اولي ملهاش اي علاقه لا من قريب ولا بعيد بفيزيا 3
بس اهو شدي حيلك فيها يعني عشان تتعودي بس
والاحياء برضه هما بس معلومتين تلاته هتشوفيهم تاني ف الاحياء بتاعت الثانوي

الفرنش عشان محبطكيش
انا كنت ناقص 9 منهم 7 فرنساوي
مكنتش بفتحه غير الي كنت بفهمه م الدرس وخلاص
شديت حيلي ف تانيه وقفلته
صحيح لو صرفنا النظر عن فكره ان امتحاننا كان في مستوي الطالب المحشش بس قفلته
فشدي حيلك ف ففرنش اولي ومتغلطيش غلطتي
قصه العربي باين كانت بتاعت عنتر وشيبوب وكلام كوميدي
فعبيطه مش هتتعبي فيها والله

وربنا يوفقك،،