اقتباس:
المشاركة الأصلية كتبت بواسطة nurahn
طيب الحمد لله ان في ناس قريت القوانين
انا هكتب رد بس للناس الي اتعصبت جامد اوي واتكلمت باسلوب مش لائق
اولا انا بس عاوزه اوضح حاجه ان كل الي رد كان رده هجومي متعصب بشده لرايه حتي مفيش ولا رد حاول يسال ليه انا قلت مفيش دين في السياسه زي منكون خدنا علي ان راينا هو بس الي صح واننا منسمعش لغيرنا محدش حاول يتناقش في الموضوع بل بالعكس الكل هاجم وبشده وحتي في ناس افتكرت اني الفت وان ده مش موجود في قوانين المنتدي وكاني جايبه الكلام من بيتنا
ثالثا انا مسلمه علي فكره ويهمني ان شريعتي وشريعة ديني هي الي تطبق بس هو في حد دلوقتي هيطبقها كما انزلت ده حتي الاخوان نفسهم قالوا احنا مش هنقدر نطبقها
معلومه لو حبينا نطبق الشريعه الاسلاميه بقي يبقي نطبقي النظام التركي يعني بمعني اصح نبقي مسلمين اسما فقط
لان باسم الحريه والديموقراطيه انت مش هتقدر تجبر الناس يلبسوا الزي الاسلامي ولا تمنع اي حاجه ولا تغير اي حاجه لان كل واحد ليه حريته
الاسلام نموذج perfect للتطبيق بس مش هينفع دلوقتي لان بلدك يوم مهتقول اسلام هيقولوا طب مفيش مساعدات ومفيش ومفيش وتاني يوم مصر ارهابيه واضرب السياحه واضرب قناة السويس وبالسلامه كده مصر تتحول لمصرستان
ومش هتخلص امريكا تحرر الاقليه من ظلم الاخوان والمسلمين يستبيحون دماء الاقباط وولع في مصر والبلد تخرب
وللاسف الي شفته في المنتدي هنا اكبر دليل علي ان لو اي تيار اسلامي حكم مصر يبقي عليها العوض
الي كنت بتكلم فيه والي محدش فيكم سال عنه هو ان بلدنا مش محتاجه مواجهات مع قوي عظمي زي الولايات المتحده وفلسطين المحتله لاننا مش هنقدر نعمل حاجه بحال البلد احنا محتاجين رئيس يقوم البلد وبعد ست سنين لما يههدي الوضع وينتظم وبلدنا تقوم من الي هي فيه ده يبقي نقيم شرع الله
ده رايي والي معتقدش انه يزعل حد وياريت يكون في اسلوب احسن من كده في الرد وتفهم الاخرين وبرضه انا مازلت متمسكه وبشده بحذف الشرط ده من المنتدي او الاتزام به وانا شايفه ان الاسهل ان يتحذف لان تقريبا كل المواضيع مواضيع دينيه سياسيه ودي اغلبيه المنتدي وانا بحترم الديموقارطيه وبحترم راي الاغلبيه بس وجود شرط زي ده ممكن يعمل مشاكل كتير بين الاعضاء الجدد الي هيكون عندهم نفس افكاري ومره تانيه اتشرفت بكل الي في المنتدي سواء اخوان او مش اخوان
|
....................
كلامك شبه معقول بس فيه شوية كلام كده مش تمام ....
مين اللي قال لو مصر بقت دولة مدنية بمرجعية اسلامية هيحصل كل اللي انتي قلتي عليه (طب مفيش مساعدات ومفيش ومفيش وتاني يوم مصر ارهابيه واضرب السياحه واضرب قناة السويس وبالسلامه كده مصر تتحول لمصرستان ) ....
اولا احنا ان شاء الله مش هنحتاج لمساعدات وكمان قناة السويس منفعة ليهم اكتر مننا فلو قطعوها هيعودد بالضرر الرئيسي عليهم فمستحيل يعملوا كده ..
الفكرة ان الشعب المصري معظمه متدين وبيفتخر بدينه ما امريكا دولة مسيحية بيحصل فيها ارهاب والكلام اللي انتي قلتي عليه ده لا طبعا من اكتر الدول اللي بتطبق الديمقراطية في العالم وسكانهم متمسكين بالديانة بتاعتهم وتدينين ...
انا بقول ده علشان انا متأكد ان لو الشريعة اتطبقت والله العظيم مصر لتكون من افضل البلاد في العالم وهنعدي الازمة اللي احنا فيها بإذن الله