[عاشق الفيزيـاء]

المشاركة الأصلية كتبت بواسطة atiaalaasar

الإجابة :
جبان : معطوف مرفوع على كلمة خائن ، و في مثال يشبهها في نص اختيار الصديق ( ليس بجاهل و لا كذاب ..... )
جمع جاهل : الجموع الثلاثة صحيحة في المعجم الوجيز مادة ج هـ ل
الكشف عن طاعة و استطاعة واحد و هو : ط و ع في المعجم الوجيز

المشاركة الأصلية كتبت بواسطة maha youness

جزاكم الله كــــــــــــــــل خير

بس يا ريت تجتمعوا علي رأي وااااااحد

لا هيا زي منا قلت كدة ان شاء الله
الأخ اللي ذكر الاجابة اللي فوق: انتا أخطأت في المثال بتاعك بس عشان كدة جبت الاعراب غلط
السؤال: لا بيننا خائن ولا جبان
مثالي: لا خوف عليهم ولا هم يحزنون
مثالك: ليس بجاهل ولا كذاب
واضح جدا ان مثالي هوا الاقرب للسؤال بس الفرق ان في السؤال خبر جبان محذوف وفي مثالي خبر هم موجود وهو الجملة الفعلية يحزنون
لا اللي في المثال بتاعك دي نافية فانتا بتعتبر الواو حرف عطف ويبقى كذاب معطوف
لكن لا اللي في السؤال واللي في الآية اسمها لا النافية للجنس
وده مش عليكو السنادي ده عندكو السنة الجاية ان شاء الله
هيا عموما بتعمل عمل ان بتنصب المبتدأ ويسمى اسمها وتنصب الخبر ويسمى خبرها لكن بشروط
مش موضوعنا دلوقتي لكن اكملك الجزئية دي باختصار عشان تبقى عارف بس
لو اختل واحد من الشروط لا تعمل عمل إن ويصبح ما بعدها مبتدأ وخبر
من ضمن الشروط دي ألا تكرر لا في الجملة يعني تذكر في الجملة مرة واحدة، واضح طبعا ان الآية ذكرت فيها كلمة لا مرتين لا خوف عليهم ادي واحدة ولا هم يحزنون ادي التانية عشان كدة اللي بعدها مبتدأ وخبر (ولك أن تطلع عليها في إعراب القرآن الكريم)
والمثال نفس الحكاية لا بيننا خائن ادي واحدة ولا جبان ادي التانية يبقى اللي بعديها مبتدأ وخبر
لا بيننا خائن: سهلة شبه الجملة خبر مقدم وخائن مبتدأ مؤخر
ولا جبان: نفس القصة بس الخبر محذوف يمكن تقديره بما يصلح
يعني ممكن تقول مبتدأ والخبر محذوف تقديره بيننا
هذا وأسأل الله أن يزيدنا علمًا وينفعنا به
الأخت مها: أرجو ان الاجابة تكون وصلتك ولو عندك اي استفسار اتفضلي وانا جاهز بإذن الله