أخي الفاضل
مفيش حد لسه نزل الامتحان الالكتروني بمعني انه لسه مفيش حد نزله زي الامتحان الحقيقي
ولكن هتلاقي هنا مواضيع فيها أسئلة بيجي منها كتير قوي سواء للغة العربية أو التربوي
والاسئله دي من ناس دخلت فعلا الامتحان وطلعت كتبت الاسئله اللي جت ليهم في الامتحان
ومنها الموضوعين دول
http://www.thanwya.com/vb/showthread.php?t=357261
http://www.thanwya.com/vb/showthread.php?t=358148
والموضوع ه برده بس ابدأ اقرا فيه من الصفحة دي للاخر هتلاقي برده فيه اسئله
http://www.thanwya.com/vb/showthread...=335929&page=9
أما بخصوص طريقة الاجابة
او ما تقعد على الجهاز هتلاقي شاشة زي الصورة دي تقريبا
هتكتب فيها رقم الكود والرقم السري بتوعك وبعد كده موافق
هتجيلي ليك بعد كده شاشة تانية قريبة من الصورة الجاية برده
وهتلاقي في اقصى شمال الصفحة كلمة اضغط هنا لبدأ الاختبار
هيفتح الامتحان معاك وهتلاقي الاسئله قدامك وهتلاقي في نهاية الصفحة مفتاحين
الاول مكتوب عليه السؤال السابق والمفتاح التاني مكتوب عليه السؤال التالي
زي الصورة الجاية دي تقريبا
وفيه نقطة مهمة خد بالك منها
أنك لو عملت اجابة وضغط على السؤال التالي وعرفت ان الاجابة دي خطأ
ممكن ترجع تاني ليها وتعدلها
بس خد بالك لو عدلتها لازم تضغط على مفتاح السؤال التالي لأن مفتاح الحفظ هنا هو السؤال التالي
اما لو غيرت الاجابة وضغط على مفتاح السؤال السابق الاجابة الجديدة مش هتتحفظ
وان شاء الله لما تخلص الاجابات هتلاقي في الاخر صفحة جايلك فيها مفتاحين برده زي الصورة دي
مفتاح انهاء الاختبار لو ضغط عليه مش هتعرف تدخل وتعدل تاني يعني كده تقوم تروح
اما مفتاح السؤال السابق تضغط عليه علشان تبدأ ترجع سؤال سؤال وتراجع عليهم من جديد
وكمان مرة خد بالك لو انت بتراجع وضغط على المفتاح السؤال السابق وعدلت اجابة
لازم تضغط على مفتاح السؤال التاني لحفظ الاجابة الجديد
وبعد كده تضغط تاني على السؤال السابق علشان تكمل مراجعه
وربنا يوفقك