اقتباس:
المشاركة الأصلية كتبت بواسطة tuck ever lasting
بما انكم دخلتم شمال فى بعض احب اقول رأى
اولا انا ضد اى حد يقول ان البلد مش هتتقدم وان البلد بايظة والكلام الحمضان ده.
لأن الكلام ده بيترسخ فى ذهننا وفى عقلنا الباطن وبيخلينا سلبيين تجاه بلدنا الحبيبة مصر
ثانيا كان فى حد فى الموضوع ده بيقول ان ثمار الثورة مش هنحس بيها واولادنا هما اللى هيحسوا بيها احب اقوله او اقولها ان الكلام ده هتنقلو لولادك وهما يقولوه على ولادهم يعنى احفادك وهكذا يعنى عمرنا ما هنتقدم ابدا لو كل الناس فكرت زيك
باختصار لازم كلنا نبق ايجابيين ونسيبنا بقى من الكلام القديم بتاع ان البلد بايظه الكلام ده كان قبل الثورة
اما دلوقت فاحنا اتغيرنا 180 درجة
اتمنى تكون رسالتى وصلت
|
طيب حضرتك بتعترض على كلامى انا صح؟؟ انا اللى قلت ان اولادنا هم اللى هيحسوا بيه
ممكن حضرتك تقلى
شئ واحد بس اتغير لحد دلوقتى؟؟؟
وانا لسه على كلامى و هنشوف امتى التغير اللى بجد هيحصل و البلد تتعدل
ومش انا عايزة اقول لحضرتك حاجة انا فى حملة دعم البرادعى فى اسكندرية بغض النظر عن اذا كان فى حد بيحبه ولا بيكره دى حرية شخصية
احنا بننزل نوعى الناس و بنفهمهم البلد ومش بنكدب على نفسنا و نقول كلام حمضان احنا بنقول الحقيقة
البلد لسه بايظة و مفيش حاجة فيها اتعدلت خالص لا تعليم ولا صحة ولا سياسة ولا امان
والدليل ادخل اليوتيوب و شوف واحد من الظباط عمل ايه فى مواطن اسمه محمد وكل ده
بعد الثورة
انا مستعدة اراهن باى حاجة تطلبها ان البلد دى مش هتتغير ولو بعد 10 سنين
وشكرا على رد حضرتك