اقتباس:
المشاركة الأصلية كتبت بواسطة eng. Ahmed said hamed
بُص بالنسبة لنقطة إن الأمن المركزي يتبع الجيش وكده، إللي بيحصل كالآتي..
الجيش بتجيله أعداد زيادة عن إللي بيبقي عاوزها، بيودي الزيادات (بيختاروا الأقل في التعليم والمستوي) وكده لقطاع الداخلية بيبقوا مجندين هناك وبتبقي المسئولية بتاعتهم في إيد الشرطة إللي بتبني ليهم معسكراتهم في كل مصر سواء سينا أو القناة أو وسط وغرب الدلتا وشمال وجنوب الصعيد ومسئولة طبعاً عن أكلهم وشربهم وإحتياجتهم وكل ده، بيقضوا الخدمة العسكرية بتاعتهم تبع الداخلية لإنهم أصبحوا مُعارين من الجيش وبيقضوا ٣ سنين في الداخلية وبعدها ياخدوا شهادة أداء الخدمة العسكرية
بالنسبة لجزئية إن فيه قوات أمن مركزي علي الحدود، لإن إتفاقية كامب ديفيد زي ما إحنا عارفين بتنص علي عدم وجود قوات جيش مُجندة بطول الخط الفاصل بينا وبينهم، فبنحط قوات أمن مركزي بإعتبارهم تابعين للشرطة مش الجيش وبيبقوا قناصة متدربين لإن قطاع الأمن أصلا بيتقسمهم لقطاعات كتير من ضمنها التصدي للعمليات الإرهابية مثلاً ومش هيعملوا ده بالعصيان يعني وبياخدوا طبعاً أوامرهم من الداخلية بدون أي تدخل من الجيش بالنسبة للقطاع ده زي حوار قتل المتظاهرين من جانب قناصة الأمن المركزي
فالخلاصة إنه قطاع علي الورق بيأدي خدمة عسكرية لكنه تحت سيطرة الداخلية إللي خليت دولة الأمن المركزي في مصر دولة فاسدة شغلتها الأساسية قمع الحريات وخمد أثر القوي السياسية في الشارع
|
ما هو دا اللي انا بقوله
ان الاتنين تجنيــد
يعني ممكن انا وانت ندخله .. بعد ما لغوا حكاية المؤهلات المتوسطة دي