بخصوص طريقة الاجابة
او ما تقعدي على الجهاز هتلاقي شاشة زي الصورة دي تقريبا
هتكتبي فيها رقم الكود والرقم السري بتوعك وبعد كده موافق
هتجيلي ليكي بعد كده شاشة تانية قريبة من الصورة الجاية برده
وهتلاقي في اقصى شمال الصفحة كلمة اضغطي هنا لبدأ الاختبار
هيفتح الامتحان معاكي وهتلاقي الاسئله قدامك وهتلاقي في نهاية الصفحة مفتاحين
الاول مكتوب عليه السؤال السابق والمفتاح التاني مكتوب عليه السؤال التالي
زي الصورة الجاية دي تقريبا
وفيه نقطة مهمة خدي بالك منها
أنك لو عملت اجابة وضغط على السؤال التالي وعرفتي ان الاجابة دي خطأ
ممكن ترجع تاني ليها وتعدلها
بس خد بالك لو عدلتها لازم تضغطي على مفتاح السؤال التالي لأن مفتاح الحفظ هنا هو السؤال التالي
اما لو غيرتي الاجابة وضغط على مفتاح السؤال السابق الاجابة الجديدة مش هتتحفظ
وان شاء الله لما تخلصي الاجابات هتلاقي في الاخر صفحة جايلك فيها مفتاحين برده زي الصورة دي
مفتاح انهاء الاختبار لو ضغطي عليه مش هتعرفي تدخل وتعدل تاني يعني كده تقومي تروحي
اما مفتاح السؤال السابق تضغطي عليه علشان تبدأ ترجعي سؤال سؤال وتراجعي عليهم من جديد
وكمان مرة خدي بالك لو انتي بتراجعي وضغط على المفتاح السؤال السابق وعدلتي اجابة
لازم تضغطي على مفتاح السؤال التاني لحفظ الاجابة الجديد
وبعد كده تضغطي تاني على السؤال السابق علشان تكمل مراجعه
وربنا يوفقك