[سيلفانو]

ليه الفرحة مبتكملش
يوم متتولد بتموت

ليه بس مبنحلمش
وكوابيسنا علينا تفوت

ليه الضحكة بس مبتكونش
على شفايفنا بصوت

ليه ديما بس مبنشوفش
غير قسوة وظلم وجبروت

حقنا مننا اهو ضايع
ولا حد لصوتنا سامع
ولو شاف راسك رافع
يقطعها عشان تموت


لازم ترضا وتتحمل
متردش تسكت تتأمل
رأيك متقولش وكمل
كمل حياتك فسكوت


اسكت خليك فحالك
ايه فايده بس سؤالك
غير ذل ومهانة جيالك
لو اترفعلك صوت


وهيه دي دنيتنا
على أد معلمتنا
قفلت علينا سكتنا
وبهمومنا رجعتنا
ولما بنرجع بيتنا
ونفكر فكل ساعتنا
بتضيع قدامنا هيبيتنا
ونقول ليه ويا ريتنا
ونتمنى لينا مماتنا





بقلمى :: نور