ليه كل مشاكلكم ومشاكل المدرسين بالاجمال انهم تساوو بالاداريين
ليه بنكره بعض كده
هو الادارى هو كمان مش بنى ادم
وله بيت ومصاريف واولاد بيتعلموا
طيب المدرسين معظمهم صحيح مش كلهم انما معظمهم بيدو دروس خصوصية
انما الادارى بيشتغل اية
فى محل بقالة
ولا فى قهوة بيقدم طلبات
يعنى ليه نزعل لما الادارى ربنا ينصفوا ويزودوا مرتبه
هو حرام
وبعدين الصراحة انا شايف ان موضوع ان كل ثورة المدرسين انهم تساوو بالاداريين ده غلط
المفروض اننا نفرح ان الادارى مرتبه زاد شوية
وبعدين بلاش تكون كل مطالبنا ان الادارى بقى زى المدرس لان ده تفتيت للاصوات
المفروض ان كل العاملين بالتربية والتعليم يقفوا وقفه واحدة لان المصلحة هتعم على الكل
وياريت ما ننساش ان امين المعمل وهو ادارى هو اللى بيجهز لنا المعمل علشان نشتغل فيها
والادارية اللى بتعمل لنا المرتبات وحتى العامل اللى بيمسح البلاط كل يوم ويكنس الاوض هو كمان بنى ادم
فى النهاية
ياريت كلنا نتحد
وبلاش الفكرة اللى رباها الاستعمار فينا للتفرقة
ده مسلم وده مسيحى
وكمان ده فلاح وده صعيدى
وبالمرة دلوقت بقينا بنقول ده مدرس وده ادارى وده عامل
كلنا عاملين فى وزارة واحدة
ومشاكلنا واحدة
سواء بداخل الوزارة او بداخل البلد اللى مشحتانا
ورمضان كريم
|