[قطرات المطر]

السلام عليكم ورحمة الله وبركاته
اللى عاوز يكمل ماجستير الله المستعان ودى بعض المعلومات اللى جمعتها عن الجامعات اللى اقسامها مفتوحة السنة دى
أولًا :
جامعة المنصورة فرع المنصورة ( التقديم هيبتدى شهر 11 ومشددين جدا على التويفل و icdl)
ثانيًا :
جامعة المنصورة فرع دمياط ( التقديم بدأ من 15/8 وهينتهى 15/9 ومطلوب التويفل وicdl والتويفل ممكن تأجله لحد مناقشة الرسالة )
ثالثًا :
جامعة المنوفية شبين الكوم ( التقديم بدأ من 15/8 وحتى 15/9 ودى انا قدمت فيها الحمد لله والمطلوب هو :
أصل وصورة من شهادة الميلاد.
أصل الشهادة المؤقتة للبكالوريوس.
بيان بالتقدير التراكمى.
أصل شهادة المهنى والخاص.
صورة الرقم القومى .
4 صور شخصية.
شهادة خبرة للعمل لمدة سنتين.
شهادة التويفل و icdlمش مطلوبين أساسًا غير للدكتوراه إنما الماجيستير مش ضرورى .
المصاريف ( 652 + 50 رسم مقابلة اختبار + 100 سحب المظروف )
نسبة الحضور لا تقل عن 75 %

الأقسام المفتوحة فى الجامعة :
قسم علم النفس (( علم نفس تربوى ، صحة نفسية ))
قسم أصول تربية (( أصول تربية ، تربية مقارنة وإدارة تعليمية ))
قسم طفولة (( تربية الطفل ))