المدرسة المفروض تكون مؤسسه متكامله
ليها مجلس اداره بالمعنى الصحيح زى اى شركة او مؤسسه محترمه
ليها مكتب امن و افراد امن يرخص لهم بحمل سلاح مسئولين عن الاشراف و التأمين و التعامل مع الطلاب خارج الفصول واولياء الامور فى حالات معينه
ليها مكتب علاقات عامة مسئول عن كافة الاتصالات مع المسئولين خارج المدرسة او اولياء الامور فى الحالات الطبيعية
ليها مكتب اعلام يكون مسئول عن الصحافة المدرسية والمجتمعية والنشرات الداخلية والخارجية والاذاعة المدرسية والتصريحات الاعلامية
ليها عيادة يوجد بها طبيب ممارس عام وممرضة او اثنين للحالات الطارئة والتعامل مع التلاميذ المرضى مع تحديد وحدة اسعاف قريبه للاتصال بعربة اسعاف فى الحالات الطارئه
ليها مسئول شئون قانونية منتدب لاكثر من مدرسة دوره الاستشارات بالنسبة للشئون القانونية والقرارات الوزارية للمدرسة وكذلك توثيق بعض الحالات القانونية والمخالفات الادارية والمالية بالمدرسة و كذلك للدفاع عن حقوق العاملين بالمدرسة فى الحالات التى تستدعى ذلك
ليها مكتب شئون عاملين مسئول عن ملفات المدرسين والعاملين بالمدرسة وتنظيم العمل الوظيفى ويتفرع منه مكتب مالى للشئون المالية الخاصة بالعاملين بالمدرسة
ليها مكاتب اداريه مسئوله عن كافة الاعمال الادارية الخاصة بالطلاب
المدرس دوره داخل الفصل فقط و تصحيح الامتحانات والتقويم المستمر طبعا
غير كده كل ده تهريج
اللى بيحصل دلوقت ايه اننا بنشتغل كام شغلانه؟
فى الاشراف شغالين امن
فى الاذاعة والصحافة شغالين اعلاميين
فى بعض الحالات الصحية الطارئة نكون مسعفين
فى التعامل مع اولياء الامور شغالين علاقات عامة
فى اعمال الامتحانات شغالين كتبه واداريين
فى الشئون الاداريه اداريين والماليه ماليين
فى الشئون القانونية بنكون محاميين
اعتقد اللى فاضى يدرس بعد كل ده يبقى ربنا يكرمه
__________________
لا تعليق !!!
|