[Engineer ..]

بسم الله الرحمن الرحيم
وبه نستعين والصلاة والسلام على سيد الخلق أجميعن صلوات ربي وسلامه عليه وعلى من اهتدى بسنته و اقتفى أثره الى يوم الدين أما بعد ،،،

الحكاية بخلاصة يا شباب ،،،،

أولاً عشان نكون صُرحة مع بعض
أنا من صغري بيتقالي يا باش مهندس أقسم بالله من 3 ابتدائي !!
فكنت بضايق من اللقب ده أوي لأن أخواتي الــ2ــ مهندسين وكنت عايز حاجه غير الهندسة (قطعاً الطب)
يعني أهوه بفكر من صغري في الهدف


عندي هدف


المهم أخويه الكبير (محاسب) كان صاحبه دكتور بيتردد عليه كتير أوي ومش بيسيبه أبداً وبيجيب وهو جاي معاه دوسيه أو فايل من الكلية فيه شروحات في الطب
لكذا حاجه (طبعاً مكنتش اعرف عنها حاجه)
المهم حبيت الموضوع ده أوي لدرجة العشق وكنت مصمم اني لازم أكون دكتور بشري من 1 اعدادي مشيت على الخطوة دي
خلصت اعدادي على خير ودخلت ثانوي تمام و كنت مدمر نفسياً في ال3 سنين
أول سنة عدت على خير الحمد لله واللي حبيته فيها التصنيف في الأحياء ودورة الأطوار في التكاثر ( ربنا ما يورينا تاني بئه زهقنا من الأحياء )
بعد نتيجة أولى ثانوي بالظبط بابا قعد معايا ( ع الأرض طبعاً ) وقالي قدامك سنتين يا محمد مش هوصيك عليهم
بصراحة انا قلبي كان في رجلي من الكلمات دي لدرجة اني فاكرها أكنها امبارح
طيب يا حاج طه انت ليه بتقولي كده ؟ أنا عارف مصلحتي والله انت ناسي اني مرتب فيزيا على المحافظة ؟
لأ مش ناسي بس العبرة بالخواتيم والمجموع وللأسف أحمد زويل مش هيكافأك لو كنت عالم بمجموع 80% وانت في معهد فني تجاري لقدر الله !!!
كلام في الصميم صراحة
طيب ربنا يوفقني وجميع الطلبة وباذن الله سترى د/محمد طه قريب بعد 9 سنين من الأن (كنت داخل 2 ثانوي يعني 2+7طب = 9 سنين)
ربنا يوفقك يابني وترفع راس المسلمين وبوسه من هنا وبوسه من هنا وتمام أوي هههههههه
والله يا جماعة تاني يوم بعد الكلام ده ابتدت رحلتي مع الطب ودخلت النت البيت بشكله مع أخواتي وكل ده مخبي وكاتم في نفسي
طيب عايز النت ليه يا عم محمد ؟
عايزه عشان أحمل ألعاب
بص بئه خد الفلوس اللي انت عايزها وانزل العب أحسن الألعاب في أي حتة
المهم الله يخليه الحاج اللي جابه

لأني مقنع جداً هههههه

دخلت عبيط معرفش حاجه ف الأول شهر بالظبط كنت معلم فيه *_^
اتعلمت حاجات في الطب والله يا جماعة ما يعلم بيها الا ربنا واللي خلاها احلى بئه اني روحت اشتغلت في صيدلية
يعني كانت حياتي كلها أدوية وطب
حبيته ويارتني ما حبيته
دايماً من 6 ابتدائي كنت بشوف أ . د / محمد طه أخصائي كهربة و جراحة القلب وعميد كلية الطب بعين شمس
في الباي باي بعد أحمد ذكي بدر طبعاً
قضيت بئه 2 ثانوي دي بطريقة حلوة أوي
كنت بقول لنفسي أخر سنة هشوف فيها الرياضة وكنت بذاكرها كده زي أي ماده مفيش اهتمام بيها و الكيميا دي كانت لعبتي والباقي طبعاً كنت بألف شعر في واحده الله يبارك فيها و يوفقها
ههههههه
وأهوه دخلت 3 ثانوي معايا معلومات في الطب ما يعلم بيها الا ربنا والله مش ببالغ يا جماعة والله أكتر من 3 مناهج أحياء ثانوية عامة كاملة في ال (Anatomy ، electrification of the heart ، immune ، viruses) طبعاً أكيد كتير و الكلام ده نزود عليه كمان شوية حاجات في التغذية

يلا الحمد لله على كل شئ
بس مقوله أقولها لله

أنا لسه فاهم رياضة وفيزيا في 3 ثانوي لو بئه كانت الهندسة حلمي من ابتدائي كنت عملت اييييييييييييييه ؟
واحد دخل هندسة خلاص ولسه بيفكر في الطب
ياعم انت عبيط انت حمار ؟
انت دخلت هندسة فوووووووووووووق
مفيشششش
الله المستعان ونعوض حلمنا في هندسة يارب
دعواتكم
ملحوظة : مش عايز حد يدمع
هههههههههههههههههههههههههه
كل سة وانتم طيبين يا باش مهندسين
أنا عارف الأسلوب مش قد كده بس أهوه كلام من قلبي والله وهتحسوا بيه