[gamal saber]

المشاركة الأصلية كتبت بواسطة المجاهد فى سبيل الله

ولى عوده للرد على الاخ جمال صابر
اخى نصيحه ذاكر التاريخ كويس
وفى ردى اثبت لك انك لا تعلم شئ فى التاريخ
ملحوظه لانى قسم تاريخ والتاريخ ده هويتى

قسم تاريخ والتاريخ هوايتك يا مجاهد يا راجل قول تخصصى
بس لااعلم شيى فى التاريخ دى واسعة شوية انا مستعد اكلمك فى تاريخ الحضارات القديمة فى حاجات اتحداك انك يا قسم التاريخ تعرفها
والمعلومات دى من دراستى وقرايتى وتعلمى بردو من اساتذة قسم التاريخ بكلية الاداب ببنها رغم انها مش كليتى لاكن بحضر محاضرات كتير فى قسم التاريخ والجغرفيا وعلم النفس لاكن بستجنن بتوع الفلسفة
فبلاش الكلام المطلق غير المحدود دة
نرجع للموضوع يا مان عشان منكترش فى كلام ملوش لازمة
انتا بتكلم فى التاريخ خلاص هكلمك فى قدر المتاح ليا من تاريخ الجماعة الى لاترتقى باى حال من الاحوال لوصف منظمة وقدمها مليون سنة عشان توصل للمعنى الاكاديمى لكلمة منظمة[ دة على ضوء انك اتريقت لما واحد من الاعضاء قال عليكم منظمة لو انا فهمت كلامك غلط اعتبر الكلام دة مش موجود لاكن لو فهمى صح يبقى لازم ارد واعرفك ان منظمة دى كبيرة اوى على الاخوان]
طبعا تاريخ المنظمة حافل بالاخطاء من ايام فاروق لحااااااد دلوقتى لاكن خلينا فى بدايات الاخوان
طبعا الاخوان منيوم ماسمعنا عنهم وهم رافعين راية الاعتدال والتوسط فى حين انهم طوال تاريخهم بعيدين تماما عن الاعتدال بدليل الاغتيالات العديدة الى قام بيها التنظيم السرى داخل الجماعة ولا مفيش حاجة اسمها التنظيم السرى يا اخ مجهد ولا يمكن انت ملحقتهوش بداية بغتيال النقراشى باشا مرورا بمحاولىة الانقلاب الدموى الى كانت بتخطط لية الجماعة فى السيتينيات على نظام عبد الناصر ودة بشهادة على عشماوى
سمعت عنة ولا لا وكمان الانقلاب دة كان من المفروض انة هيتم خلالة تصفية الرئيس جمال عبد الناصر والمشير عبد الحكيم عامر وتخريب بعض المشات منها مبنى الازاعة والتليفزيون ودة ثابت فى كتاب التاريخ السرى لجماعة الاخوان المسلمين الى كتية على عشماوى نفسة اخر رئيس للجهاز السرى
وكمان محولة انقلاب صالح سرية على نظام حكم السادات والشكل الدموى الى قتل بية حرس الكلية الفنية العسكرية والراجل دة هو عضو فى تنظيم الاخوان الفلسطينى والمفجاة انة اعترف فى التحقيق ان زينب الغزالى واحدة من اكبر قيادات الاخوان فى مصر فى فترة السبعينيات كانت على علم بمحاولتة الانقلابية ولذلك انكرتة جماعة الاخوان وانكرتة زينب الغزالى اثاء التحقيق معاها
هو دة الدين هو دة الى بيامر بية القران والسنة
هو دة الامر بالمعروف والنهى عن المنكر
هو دة القضاء على الفتن والدعوة الى الله
هقلك فى الاخر مابنى على باطل فهو باطل والاساس كدة تتوقع كون النهاية اية
انا مش بشن حرب على الاخوان كجماعة بمعنى الكلمة تستحق ان تكون محظورة
ولا على ابناء جماعة الاخوان لان منهم استاذى وبعتز بية جدا وبحبة جدا جدا جدا كانسان لاكن كتفكير واتجاة سياسى دايما مختلفين مع بعض
ومعليش مش هقدر اكلم اكتر من كدة فى التاريخ
اعذرنى اصلى مش قسم تاريخ ولا التاريخ هوايتى
لاكن تقدر تقول معلومات عامة
ملحوظة الاختلاف فى الراى لايفسد للود قضية