[أحمد علي]

من المختارات التي أعجبتني : مين أنا ، كلمات محمد حمزة وغناء عبد الحليم حافظ
‏.
مين أنا
عايز أعرف
مين أنا
اختارت الدنيا الميعاد
واختاروا اسمي في الميلاد
لا كان بايدي بدايتي
ولا بايدي نهايتي
مين أنا
‏ * * * * * *
تتوه عينياي . . حواليا
تشوف الدنيا . . مش هي
وتتلون بأحزاني
ويبقي لونها لون تاني
لا شايف ضي مع فجري
ولا بسمة في طريق عمري
مين أنا
‏ * * * * * *
نجومي في ليلي . . ضي حزين
ورودي . . شايفهم دبلانيين
وضاعت . . وضاعت
كل أحلام السنين
يا هل تري
أنا اللي أتغيرت يا دنيا
والا أنتي بقيتي حاجة تانية
مين أنا
عايز أعرف
مين أنا