يا جماعه انا كل مادخل اى قسم الاقى حد عامل موضوع اخد اقتصاد واللا علم نفس
وناس تانيين عاملين فى قسم الاقتصاد موضوع كاتبين فيه محدش ياخد اقتصاد
وناس تانيين داخلين قسم النفس وكاتبين اوعى حد ياخد علم نفس
وغيرهم عمالين يفتو وهما مش عارفين حاجه
ويقولو علم النفس سهل موووووت وامتحناته هايفه
وناس يقولو الاقتصاد صغير وهايف وسهل وهتوفر وقت
والمصيبه ان فيهم مدرسين كمان
وانا بقولهم كلهم
حرام عليكو كفايه فتى محدش يفتح بقو ويفتى فى الموضوع ده تانى عشان ماضربوش
واللى عايز ياخد حاجه ياخدها
اللى حابب علم النفس ياخده واللى حابب الاقتصاد ياخده
مش كل الناس زى بعضها ولا فى ماده اسهل من التانيه واللا كان كل الناس خادوها وسابو الصعبه او شالوها خالص من المناهج
انا عن نفسى واخد اقتصاد واحصاء لانى بحب المواد اللى زى دى وفيه غيرى مش بيطيقوها وبيحبو المواد اللى زى علم النفس والفلسفه
يبقى ليه بقى نفتى على الناس الغلبانه ونقولهم خدو كذا وما تاخدوش كذا
ولو حد سمع كلامهم وخد ماده وسقط فيها او جاب درجه زى الزفت
مش ممكن يدعى على اللى قاله ياخدها دعوه تجيبه الارض
ده غير ان ربنا هيحاسبنا على الكلام اللى بنقوله
فياريت كل اللى نفسه يقول فتوى يقولها فى سره عشان لا ضرر ولا ضرار
وكل سنه وانتو طيبين
