[أ/ رشا سعد]

أنا من رأيي مشكلة الدروس تنحصر بين الدولة والمعلم وولي الأمر .
طبعا ً ممكن تكون مستغرب لكن هولك ليه :
الدولة : 1- المنهج مكدسة ومطلوب من المعلم أنه يخلصها في وقت معين عندك مثلاً : أللي بيحصل في منهج شهر 1 وشهر5 يجي الموجه يقولك لازم يخلص في شهر 12 و4 تبقي حضرتك بتجري ده غير حاجات كتير في المنهج باختاتف التخصصات .
2- الفصول وتكدسها وعدم توافر الأمكانيات في بعض المدارس أن مكنش معظمها .
المعلم : طبعا ً الدروس الخصوصية وطبعا ً عشان يوفر أحتياجاته المالية لن مرتبه مبيكفيش بس في مدرسين بتبالغ في مبلغ فلوس الدرس بأسعار خيالية وده سبب كتير من الناس بتقول ليه المعلم عاوز زيادة في المرتب .
معلش أنا أهو مدرسة بس بسمع أسعار غريبة في الدروس الخصوصية وخصوصا في مصر والإسطندرية .
أما بقي ولي الأمر : بقي مكبر دماغة وسايب الهلب كله علي المعلم وطبعا المعلم مش هيعمل كل حاجة يقوم هو عشان مش فاضي يذاكر لأبنه أو بنته فيوديها تأخذ درس خصوصي عشان ولي الأمر بيجي مجهد سواء من شغله الخارجي أو مجهود في البيت
طبعا ده غير أنه ممكن معندوش القدرة أساسا ً أنه يذاكر لأبنه .
وده رأيي في مشكلة الدروس الخصوصية .