[ENG.HAGAR]

المشاركة الأصلية كتبت بواسطة zamalek1

فكرت كتير ونفسى احول علمى رياضة وادخل معهد قنى صناعى وانش اء الله اجتهد فيه وشكرا لكل اللى لفدونى بمعلوماتهم وعايزكم توجهولى اخر نصيحة قبل بدأ الدراسة فى سنة ثالثة

السلام عليكم
اولا كويس ان حضرتك اخدت قرار بخصوص
الشعب وكدة ...
ثانيا لما نتكلم على موادك ياريت تاخد بالك من مواد الخمسين ...
1- رياضة 2 : ياريت تاخدها مع استاذ ليه فى المادة كويس جدااا " طيب وانا اعرف ازاى " اولا من خلال ناس اخدوا معاه وقالوا لك نظامة ثانيا لما تحضر معاه الشره بنفسه ..
مثلا الاستاذ اللى كان بيدينى رياضة 1 -2 " ربنا يبارك فيه ويرزقه حسن الخاتمة " كان دايما يقول السؤال ده عليه كذا .. والسؤال ده سهل وعايزين نخليه فى جيبنا زى سؤال كرامر مثلا ده سؤال سهل جداااا وبتتأكد من الناتج النهائى عن طريق لالة الحاسبة
وكان فى سؤالين تانيني زى سؤال التباديل ده متوسط وسهل بردو وكمان التوافيق مسائل فى الغالب الاعم سهلة جدااا
كدة معاك 3 نقط من اصل 4 نقط
يا يجى الرابعة سهلة وعلى بركة الله كدة الجبر درجة نهائية يا يلعب فى السؤال وعايزك تمشى خطوات حتى لو معرفتش توصل للناتج النهائى ...
ودى اهم حاجة تمشى خطوااات حتى لو لقيت نفسك فى الاخر واااقف مش مهم ..
الاستاذ الممتاز هو المنظم واللى بيعرف يوصل لهدفه .. يعنى بيتكلم بلغة الارقااااام ...
كمان ياريت ما تحلش على فكرة واااحدة 20 مسألة ده هيضيع وقتك كتير...
مثلا فيها ايه لو فكرة ادربت عليها لحد ما بقيت فاهم هى ماشية خطوااات ازاى ....
كمان ياريت ما تسمعش لاصحابك ده هيقول احنا خلصنا وانت لسه متأخر .. انت ضايع والكلام ده ... حاول ما تسمعش منهم ... وانت هتكسب فى الاخر ان شاء الله ..
2- الفيزياء : كمان تاخدها مع استاااذ فاااهم جدااا علشان فى اجزاء ساعات فى اساتذة مش فاهمينها اصلا وبيحفظوها للطلبة وفى الاخر الطالب ممكن يتصدم فى الامتحان لو جه فى مستوى الطالب اللى بيفكر ...
كمان الدكتور المحترم هو اللى هيدقر يصنف المنهج .... يعنى لااااازم يحدد افكار الجزئية دى ايه وهكذا ..
كمان .
بردو الدكتور اللى هيديك هتعرف هو فاهم ولا لأ اولا من خلال الوحدة التانية اللى هى الموائع وهيديك افكار متنوعة ولطيفة جدا وان شاءالله تحبها ...
لكن مش هيبان من اول وحدة لانها بسيطة جدا واى واحد يقدر يفهمها ...
كمان الفيزياءحاول على قد ما تقدر لو الدكتور بتاعك اتأخر او لغى جزء ما تنامش وقت الحصة الملغية ولا تلعب .. لا العب فى الوقت اللى حضرتك مخصصه لـ لعب
لكن وقت ده كمله كأن تراجع على جزئية مش فاهمها او مثلا تحل حاجة حضرتك اهملتها لا قدر الله او كدة .
3-المادة الادبية بصراحة انا مش عارفه مادة حضرتك ايه علشان احاول اوصل لحضرتك اى معلومة بخصوصها ..
ياريت تقول هى ايه ..
ـــــــــــــ
مواد اللغات
4- اللغة العربية :عن نفسى كنت بروح الدرس ايام معينة ..يعنى يوم النحو ويوم النصوص علشان احفظ معااه وارجع تانى يوم احفظ وبيبقى لحد ما سهل عليا شوية الحفظ .... كمان فى حصص معينة مش هتفيدك اوى ... زى ايه يعنى .. زى مثلا القصة والقراءة ... ما تضيعش وقت وتروح الحصة ... ذاكرهم فى البيت لو بتقدر تتحكم فى نفسك وتمشى لوحجك فى البيت يبقى كويس جدااا .... لكن لو مش هتقدر يبقى روح وتابع مع الاستاااااذ ...
هيبقى عندك حصة للادب دى هتبقى مملة جداا لان ما فيش فيها تمرين ولا حاجة هتسمع وبس ... احسن ترجع البيت وتذاكر لوحدك .
البلاغة دى نسبة كبيرة من الاساتذة بيخصصوا ليها حصة او حصتين بالكتير ويجمعوا فيها المنهج .. ومنها بتعرف افكارها ...
5- اللغة الانجليزية :طبعا مسؤوليتك ومسؤولية الاستاااذ يعنى الاستاذ يدي لحضرتك ملزمة تحفظ الكلمات تمااام وكمان الجرامر تفهمه وحاول تربط بينه لو فى مثلا افعال محتاجة حروف جر حاول مثلا تعمل حكاية وتربط بين الافعال بالعربى ومنها تعرف الافعال بالانجلش ويثبتوا فى دماااغك كويس
" كنت بعمل كدة احياناا "
ــــــــــــــ
اهم حاجة تهتم بالمواااد العلمية لان مهما عملت فى المواد الادبية ممكن الاستاذ ما يعجبهوش اجابتك فى التعبير مثلا فى البلاغة وتعبيرك عن ابيات الشعر .. فى الترجمة فى الانجليزى ... وهكذا
كمان حضرتك داخل معهد فنى صناعى يبقى المجموع بنسبة كبيرة مش محطوط فى الحسباان
اهم حاجة تجمع معلومات تفيدك فى دراستك وده مش فى المواد بتاع اللغات
ــــ
انا اسفة لانى طولت